Mamallakta Tantanakuypi, kay Ley Orgánica para Atracción de Inversiones, Fortalecimiento del Mercado de Valores y Transformación Digital kamachi rurana killkata ishkayniki rimanakuypi riksirka, kullkimanta utkashpa ruranapak chayachishka. kay Desarrollo Económico Minkarishkapimi llankaywillayta allichirka shinallatak ishkay chunka kamachi killkakkunami rimarka.
Rimanakuyka kay kullka puncha 13h00 chishi kutin kallarinapakmi harkarirka, Desarrollo Económico Minkarishakuna, 48 sayllakuna ukupi, kamachi killkakkuna ishkayniki rimanakuypi chayachishka yuyaykunata puchukay killkapi tantachichun, allichishpa Mamallakta Tantanakuypak rimanakuyman riksichichun.
Nathalie Arias, Francisco Jiménez, Bancada Acuerdo Nacional (BAN) wankurimanta kamachi killkakkunaka, kay kamachiyka llaktapak charishkata shukllaman chayachinata, shinallatak hampinamanta, yachaymanta, kasiklla kawsanamanta, kamaymantapash kullki mañanata paktami harkan, nirkakunami.
Minkarishkata pushak, Daniel Noboa kamachi killkak rimarishpaka nirkami, llaktapi kullkillankayta sinchiyachinkapak mutsurik kamachiymi shinallatak tukuy wankurimanta kamachi killkakkunatami "llankaypak, llakta wiñaripak, kullki kayachiypak ari apushitayta karachun" mañarka.
Shinapash Izquierda Democrática (ID), Unión por la Esperanza (Unes) y Pachakutik wankurishkamanta kamachi killkakkunaka kay kamachiywanka Llakta Pushak pay arinishka kamaywanlla llaktapak charishkata shukllaman chayachinapak yanapan ñawinchiynatapash mana paktanalla kan ninkunami, chaymantami wakichichun mañankuna.
Marlon Cadena kamachi killkakka Llakta pushak 18 kamachiykuna mushukyachinapak mañashka mana alli kan nirkami, llankaypak kullki kayachinawan mana paktarinchu nirkapashmi. "Ecuador llaktaka kullkita mutsunmi shinallatak kullki chayamuchun munanchikmi, shinapash kay kamachiypi churashka shinaka mana, kaypika tukuyshina kullki mana chapashka chayamunapakmi rikuchin", ninmi.
Jhon Vinueza kamachi killkakka kamachi rurana killkapi yuyaykuna maykama paktana rikuchiytami churana illan shinallatak alli yuyaykunatapash tarinami kan nirka, Shinallatak, Juan Fernando Flores kamachi killkakka kamachi rurana killka Desarrollo Económico Minkarishka tukuy yuyaykunata tantachinapak tikrachunmi mañan.
Kamachi rurana killakta riksichik Daniel Noboa kamachi killkakmi, Mamallakta Tantanakuyta pushak, Guadalupe Llori Abarca, kamachi killkakta, kay rimanakuy kullka 24 puncha pawkar killa 13h00 sayllakama harkachichun mañarka.
BG/pv/cg-k
Más fotografías:
