Mamallakta Tantanakuyka, Allpapachapi Yakupak puncha raymipi, ishkay kutinpashmi Los Ríos, Manabí, Tungurahua, Pichincha, Zamora markakunamanta llankaywiñachikman, llaktayuk tantanakuyman, runakunaman, yunka runakunaman, afroecuatorianas runakunaman, paklla ayllukunamanpash punkuta pashkarka, paykunaka, tarpushka murukunata, makirurashkata, mikunakuantami tukuy kay Mamallakta Tantanakuypak Plaza Juan Montalvo kanchamana llaktayukman chayachirka.
"Mamallakta Tantanakuy llaktapi llankaywiñachikman, tarpukkunamanpash punkuta pashkashpaka kullkillankayta kutin sinchiyachin shinallatak runa ayllukuna allpapi llankashkatami riksirin", kashnami, Salvador Quishpe, kamachi killkakka kay Ishkayniki Feria de Soberanía Alimentaria y del Agua Mintalay raymipi nirka.
Víctor Gualán, Yacuambi kiti pushak, Zamora Chinchipe markamanta, Mamallakta Tantanakuy kayachishkaman kushiyayta chayachirka shinallatak kayshina yanapayka runa ayllupak tarpuyta, paykunapak kullkillankayta, ashtawankarin tukuy llaktapi mikuna unanchaytami sinchiyachin, nirkami.
Paymanta, Telma Ramírez warmi, El Carmen kitipi llankaywiñachik, Mamallakta Tantanakuyta llankaywiñachikpi yuyashkamanta kutinpash naparka. Ecuador llaktapi llankayta sinchiyachinapak kamachiyta allichichun mañarka, ashtawankarin uchilla llankakkuna kay llaktapi punchata wakllichikta yanapachun mañarka.
Patsak yalli llankaywiñachikkuna shinallatak runa ayllu llaktamantapashmi kay Plaza Juan Montalvo kanchapampaman paykuna charishka rurashkata riksichinaman chayamurka.
Mintalaymanka kayachishka kiti pushakkuna, tawka kamachi killkakkunapash chayamurka, kay llaktapi uchilla, maltalla llankaywasikunata yanapanapak kimirishkamanta yupaycharka.
KC/pv/cg-k
Ashtawan shuyukuna
