Mamallakta Tantanakuyka kay Llakta pushak kachashka Ley de Inversiones kamachiyta wakichinapak, 87 kamachi killkakkuna ari apushitashkawan, mamakamachiypi kamachiykunapipsh rikuchishkata katishpa shinallatak Mamallakta Tantanakuy ruranata rikurashpami paktarka.
Kay Mamallakta Tantanakuyka ñawpamantami kunankaman kamachikunata pakta sumaychashpa, Ecuador llaktayuk llankay mutsushkata alli kawsay mañashkatapash kutichishpa llankakuna.
Anchami mutsurin, llakta alli kachun kasiklla kawsachunpash, llaktayuk chaypikanata riksina, chikan yuyaykuna charinaka tukuy llaktayukkunata yanapanapak, llankaywasikunapak kikin paktanata sumaychanapakpashmi.
Llakta pushak Kamachi ruranapi rikuna ushaywanka ima pachapashmi kullkimanta kamachi rurana killkata chayachiy ushan, pay munashpaka. Mamallakta Tantanakuyka llaktayukwan, anchata rimanakushka, tukuy llaktayukkunawanpash pakta yuyarishka kamachi rurana killka kashkanman ninmi.
Mamallaktapak chikan hatun ushaykunaka Mamakamachiy rikuchishkata paktashpa llankanapak kayachishkami. Llankaywasi paktanaka, maykama chayanata chimpapuranatapashmi sumaychan, Ecuador kasiklla kawsak, kamak, alli kawsay charik llaktata wiñachinapak llaktayuk chaypikanata sinchiyachinatapashmi sumaychan.
