Kay wacha, 26 puncha pawkar killa, Mamallakta Tantanakuyka chawpi yalli kamachi killkakuna mana chayashkamanta mana rimanakurka, kayachishka pusak chunka tatkikuna kipami, 66 kamachi killkakkunalla chayarka. Kay rimanakuymanka Unión por la Esperanza (UNES), Partido Social Cristiano (PSC), Pachakutik (PK) wankurimanta chawpi yalli shinallata kikinmanta llankak kikinmanta kamachi killkakkunapash mana chayamurka.
Mamallakta Tantanakuyta pushak, Guadalupe Llori Abarca, rimanakuyman mana chayamukkuna llankaywan mana paktarishkata shitarirka, kay 766 niki rimanakuy kutin kallarinaman mana chayamushkamanta, Ley Orgánica de la Función Legislativa (LOFL) kamachi rikuchishkata paktashpa.
Kay rimanakuypi llankanapakka Ley Orgánica que Regula el Uso Legítimo de la Fuerza kamachi rurana killka; Ley Orgánica de Ordenamiento Territorial, Uso y Gestión del Suelo kamachi mushukyachina; Código Orgánico Integral Agropecuario kamachi allichina; Ley del Consejo de Participación Ciudadana y Control Social kamachi; Ley para el Fortalecimiento de la Consulta Popular y la Participación Política kamachi; Ley de Emergencia del Agua Potable de los cantones Esmeraldas, Río Verde y Atacames kamachi; shinallatak, Mamallaktapi yaku huntaymanta pachamama wakllirishka kakpi Utkashpa yanapanapak yuyarinakushka killakta arininapakmi churashka karka.
Guadalupe Llori kamachi killkak Killkakamayukta mayhanlla kamachi killkak mana chayashkata rikuchun mañan, LOFL kamachipak 169 niki killkapi rikuchishka yuyachin, hawalla wakllichiymi kan: Mana chayashka, kipayana nakashpaka Rimanakuymanta, Minkarishkamanta nakashpaka rimanakuy katinapak chaypi yalli mutsurishkaman mana chayamukpi.
Kay 766 niki rimanakuy harkachishkami katin shinallatak, chamuk punchakunami, kutinpash kayachishun, kay llankaykunata katinapak.
EG/cg-k
Ashtawan Shuyukuna
