CAL wankuri pusak kamachiy ruranapak killkata akllarka
Kay Consejo de Administración Legislativa (CAL) wankurishkapi kamachi rurana 8 killkatami akllarkakuna shinallatak yachak Minkarishkakunamanmi kamachiyta allichichun chayachirka. Kay kamachiy rurana killkakunapika Código de la Democracia kamachi, Ley Orgánica de la Función Legislativa kamachi; Código Administrativo, COIP kamachi shinallatak Leyes de Servicio Público y de Empresas Públicas kamachikunata mushukyachinapak mañashkami tiyakun. Shinallatak tantarikuna waktarishkata rikunapak yuyarinakuna, sumak yachana wasikunapi yachanapak kullki mañashkata rikunapak, llaktapi kasiklla kawsanata rikunapak, seguridad social yanapayta rikunapak killkatapashmi riksirkakuna.
Guadalupe Llori, Mamalllakta Tantanakuypak rimanakuyman kay shamuk awkarik punchapak kayachirka.
Mamallakta Tantanakuyta pushak, Guadalupe Llori Abarca, kay shamuk 5 puncha ayriwa killapakmi, mushuk Rimanakuyman kayachini nirka, kaypimi Tawkapura Minkarishkata wiñachinapak mañashkata riksishun, shinallatak puncha llankanapak mushukyachinata mashkakkuna kamachiywan paktarishka kashkatapash riksishun. Mamakamachiypi kamachiykunapipash rikuchishka mana tiyakpipash, kay mañayta Mamallakta Tantanakuy ukupi rimachun mana harkashachu nirkami: “Pushakshinaka kamachiykunapi, mamakamachiypipash rikuchishkatami paktashkani shinallatak kamachi killkakkunapash kayshinata sumaychachunmi shuyani” Nirkami. Mamallakta Tantanakuyta pushakka willashpa, wankurikuna pushakkunawan, CAL wankuripi llankakunawan rimanakuypika, kay hatun llakikunapak allita llukshinapak ñantami mashkana mutsurin, nirkami.
Mamallakta Tantanakuy rimanakuypika llaktayukta yanapak kamachiytami riksirkakuna
Kay Justicia y Estructura del Estado Minkarishkapika Mamallakta Tantanakuytami Llakta pushak kay Ley que Garantiza la Interrupción Voluntaria del Embarazo para Niñas, Adolescentes y Mujeres en Caso de Violación kamachiy rurana killkata chawpita allichinaman kachashkata Corte Constitucional tantanakuyman tapuyta chayachichun mañarka, allichinapak rikuchishkapi mamakamachiwan waktarishkashina rikurishkamanta. Shuktakpika, Educación Minkarishka kay Ley de Educación Superior (LOES) kamachiy mushukyachinapak 15 kamu killkakunata rikushka kipa, iskunka ñawpa pushaymanta sakirishka, kanchiska kay mushuk pushakkunamanta chayashkata riksishpami shukniki rimanakuypak llankay willayta arinirkakuna. Shinallatak kay Consejo de Educación Superior y del Consejo de Aseguramiento de la Calidad de la Educación Superior tantanakuymantaka Ley de Creación de la Universidad de Seguridad Ciudadana y Ciencias Policiales kamachiy ruranapak yuyaykunatapash chaskirka, shuktkakpika Protección a la Niñez Minkarishkakunaka Libro I kamu killkatami kay Código Orgánico de Protección Integral a Niñas, Niños y Adolescentes (Copinna) kamachi ruranamanta rimanakurkakuna, kaypika kari warmi wawakuna imallakunapash paypak wasi aylluwan kawsanapak; hampita chaskunapak; shinallatak, ima llakikuna tiyakpi utkashpa yanapayta chaskinapakmi rikuranka.
Minkarishkakunaka llakta kasiklla kawsanamanta, ayllukuna wakllichiy mintalaymanta, mamakamachiy mushukyachinatami rimanakurkakuna.
Kay Soberanía y Seguridad Integral Minkarishkaman Llakta pushakpak Kamay Killkakamayuk chayamurka, kay Ley de Seguridad Integral y Fortalecimiento de la Fuerza kamachi rurana imamanta, imapak kashkata riksichinaman. Kay Relaciones Internacionales Minkarishkapika shukniki rimanakuypi riksinapak Ley Orgánica contra la Trata y el Tráfico Ilícito de Personas kamachi rurana killkatami allichishpa kallarirkakuna, kayshina llakipi urmashka ayllukunata, llaktamanta hayllikunata, yanapayta, sumaychaytapash chayachinapak tiyachun. Mamallakta Tantanakuyta ñawpa pushak, Guillermo Landázuri runami, Enmiendas Constitucionales Minkarishkaman chayamurka, kaypika makamachiy mushukyachinapak, Llaktapak Wata Llankaykullki pankata pushanapak, chawpiyashpa mushukyachinapak arininapakpash imashina paktanatami rimarirkakuna.
Mamallakta Tantanakuypika Mikuna Unanchay, sumak kawsaymi kallari llankay kan.
Kay Soberanía Alimentaria Minkarishkaman Ministerio de Agricultura pushak; Agencia de Regulación y Control Fito y Zoosanitario (Agrocalidad) pushak; shinallatak, Servicio Nacional de Aduana del Ecuador (Senae) pushakpashmi chayamurka, kaypimi Código de la Producción, Inversión y Comercio Exterior kamachiymanta, Ley de Sanidad Agropecuaria y al Código Orgánico Integral Penal (Coip) kamachiy mushukyachinamanta yuyaykunata chayachirka, pakalla apakushkata kichukpi wakllirinalla mikuna kakpika ama chinkarichun mashkakun. Ashtawanka, Ministerio de Finanzas pushakta, shinallatak Junta Nacional de Defensa del Artesano tantanakuy pushaktapashmi kay Ley Orgánica de Incentivos a la Pesca Artesanal kamachi rurana killkamanta yuyaykunata chayachichun chaskirka. Kay Ley Reformatoria al Código Orgánico del Ambiente que Garantice los Derechos del Buen Vivir de la Fauna Urbana kamachiy ruranawan paktana yuyaykunataka Biodiversidad Minkarishkapimi kay killkata kimsa chayachikmanta ishkay kamachi killkakuna riksichirka. Ashtawanka, Fundación Protección Animal Ecuador tantanakuypashmi yuyaykunata chayachirka.
Pushakkunawan, llaktayukunawanmi kamachiytaka rurankuna
Kay Ministerio de Economía pushakkmanta, Asociación de Bancos Privados del Ecuador tantanakuymanta shinallatak Asociación de Organismos de Integración del Sector Financiero Popular y Solidario tantanakuymantapash yachakkunami, kay Régimen Económico Minkarishkapi, Código Monetario y Financiero unificados kamachi mushukyachinapak yuyaykunata chayachirka. Kay Transparencia, Participación Ciudadana y Control Social Minkarishkapika mushuk yuyayta mashkakuna, yachachikkunapashmi kay Ley Orgánica de Transparencia y Acceso a la Información Pública kamachiy rurana killkata ishkayniki rimanakuypi riksinapak llankaywillayta allichinapi yuyayta chayachirkakuna.
Kay Petrochina llankaywillay, examen Transformar taripaymi Llaktay Chaparay llankaypi
Kay Fiscalización y Control Político Minkarishkapi “Petrochina: Deuda pública y Comercialización de petróleo” shuti taripashka llankaywillaytami arinirkakuna, kaypika rikuchinmi, mamallaktaka kullki kutichinamanta punkarawan kutichikpika kullkipimi achkata wakllirin nin, punkara chanika kunanpi paktarikuk urimanmi chayakun shinallatak Asia suyu llakta llankaywasikunami kullkiwasikunaman, shukllapak llankaywasikunamanpash kipaman mintalachun chayachikun ninmi. Kay Soberanía, Integración y Seguridad Integral Minkarishkamanka Policiá Nacional Tantanakuymanta yachakkuna, minkashkakunapashmi chayamurka, kaypika kay llankaywasipi generales patayanami imashina yallishka paktashkata yachanapak shinallatak llaktaychapanapi llankayka “narcogenerales” hucachishkata taripanapakmi kallarirka. Kay Educación Minkarishkamanka Secretario de Educación Superior, Ciencia, Tecnología e Innovación tantanakuyta pushakmi sumak yachana wasiman yaykunapak Transformar taripay imashina paktarishkata riksichinaman chayamurka.
PV/cg-k
