Kay Ley que Regula el Uso Legítimo de la Fuerza kamachi rurana killkata hukniki rimanakuypi, Soberanía, Integración y Seguridad Integral Minkarishkata pushak, Ramiro Narvaéz kamachi killkakka Mamallakta Tantanakuymanmi kay Policía Nacional, Fuerzas Armadas tantanakuykuna shinallatak cuerpo de seguridad y vigilancia penitenciaria tantanakuypash ushayta imashina paktarishpa chayanamanta riksichirka.
Kamachi killkakka kamachiy rurana killkata allichinapakka, Minkarishkapika kay Consejo de Administración Legislativa (CAL) ñawpamana arinishka kimsa kamu killkatami tantachirkanchik, shinallatak Llakta pushak chayachishka Ley Orgánica de Seguridad Integral y Fortalecimiento de la Fuerza Pública kamachi rurana killkatapash tantachirkanchik.
Kamachiyka llaktayukkuna atirikpi imashina ushaywan chayanata shinallatak wichkashpa ashayachinatapash riksichin; shinallatak Fuerzas Armadas tantanakuy llaktayuk alliman kasikyachun ushayta paktachina, yachachishka wiwakunawan, kuyurik antakunawanpash paktarinata riksichin.
Llaktayukkuna chaskinapi, Andrea Benaventes, Derechos Humanos del Alto Comisionado de las Naciones Unidas para los Derechos Humanos (ACNUDH) tantanakuypi kamak, Mamallakta Tantanakuy istallaktakunapak kamayta rikurashpa ushay paktachinata rikurayka may allimi. "Kay suyukunapika ashalla llaktakunami ushayta paktachinata rikuk kamachiyta charin. Pakta churashka kamachiyka llaktapi kasiklla kawsanapak shinallatak llaktayukta ukllanapakpashmi yanapanka" ninmi.
Ashtawanpash kayachirkami "kamachiy paktachinaka llankak awllikunata runapak hayñimanta yachachinawanmi kimichichunpash". María del Carmen Aquino, Dallyana Passailaigue kamachi killkakunaka llakta pushaktami llaktapi llakita chimpapuranapak shinallatak llakta llakipi kawsakushkata rikunapak llankaykunata wiñachichun kayachinkakuna.
Patricia Núnez Minkarishkapi llankashkamanta kushiyarka shinallatak Ecuador llakta ayllukunawan llankanapak yuyaypaktarishkata yuyachirka, kay kamachiy rurana killkawan, llakikunata ama kunkarinapak tiyachun. Geraldine Weber kayshina llankaywanka llaktayuk pakta kasiklla kawsayta charichun yuyashpami rurarkanchik.
Sofía Sánchez kay kamachiyka Ecuador llakta ayllukunata ukllanapakmi yanapana kan ashtawanpash llakishpa llakichinapakka mana kanachu kan ninmi. Shinallatak, Yeseña Guamaní kamachi killkakka llaktayuk kasiklla kawsayman tikrachinapak wiwakunata mana chayachinata yanapan. "Mamakamachiyka wiwakunapak kikin hayñita charishkatami riksirin shinallatak wiwakuna pakta kawsayta charichun alli kawsachunmi rikurana kan" ninmi.
22 kamachi killkakuna rimashka kipa, Mamallakta Tantanakuyta shukniki kipa pushak, Virgilio Saquicela rimanakuyta wichkarka shinallatak kamachi killkakuna paykuna rikushkata yuyaykunatapash Soberanía, Integración y Seguridad Integral Minkarishkaman chayachichun mañan kay yuyaykuna ishkayniki rimanakuypak llankaywillaypi kimichichun.
BG/pv/cg-k
