Mamallakta Tantanakuypi kay Ley Orgánica de Ordenamiento Territorial, Uso y Gestión del Suelo kamachi mushukyachina killkata shukniki rimanakuypi riksirkakuna, kay kamachiywanka Gobiernos Autónomos Descentralizados tantanakuykuna llakta allpata allichichun rikurachunapash llankayñantami allichirkakuna.
Llankanapak rikuchishkawanka, kay gobiernos autónomos descentralizados kiti pushakkuna paykuna paktanapi llakta wiñarinapak llankayñanta allichinapak mashkakun, shinallatak llakta allpata allichinapak llankayñanta rurachunkuna yanapanka.
Kamachi rurana killkawanka, GAD tantanakuykunami llakta wiñarinata, llakta allpa allikachinata shinallatak kiti arinishka kamachiytapash pushay llankay puchukashka ishkay watakama paktanapak kay Decreto Ejecutivo 1126 niki yupay kamaypi estado de excepción paktarinapak rikuchishkata katinka, kay Covid-19 unkuymanta llakipi kawsakushkamanta, paktanaka 12 puncha kuski killa 2020 watami puchukarka.
Rimanakuyka Gobiernos Autónomos Minkarishka allichishka llankaywillaypi kimirishpami paktarirka, llaktayukkunaman riksichiypika tawka tantanakuykunata, llaktayukkuna, shinallatak Superintendente de Ordenamiento Territorial pushakta, AME, CONGOPE, CONAGOPARE tantanakuy pushakkunata, shinallatak shuktak tantanakuykunatapashmi uyarka, yuyaykunata chaskirkapash.
Minkarishkata pushak, Celestino Chumpi kamachi killkak, kay kamachiy mushukyachinata arininami kan, llakta allpata allichinapak, rikuranapakpash pachakunata mirachinapak shinallatak shamuk pachakunapi GAD tantanakuykuna ama llakita charichun mutsurin, nirkami.
Kay rimanakuypika, kamachi killkakkuna kay yuyayman kimirirkakunami, kay llaktapi pushakkuna kay Covid-19 unkuy llakimanta kullkita hapinapi kipayashka kashkamanta, shina llakta wiñarinapak rikuchishka ñanta katinapak, llaktapak allpata allichinapak, rikuranapakapash.
Shinallatak pachakunata mirachinaka GAD tantanakuykunapak llankayñanta shinallatak kamachiykunatapash allichinapak shina llaktayukman pakta riksichiywan chayankapakpash, llakta llankana ñanpankata llaktayukkuna makipurashpa allichichun, shinallatak kaywanka, llakta ayllukuna, mamallakta ayllukunapash yanaparichun.
Tukuy rikuchishkakunami Gobiernos Autónomos Minkarishkaman chayachishka kanka, ishkayniki rimanakunapak llankaywillayta allichinapak.
PV/cg-k
