Kay Ministro de Agricultura, Pedro Álava González pushak Mamallakta Tantanakuyman chayamushka kipa, 109 ari apushitaywanmi, shuk yuyarinakushka killakta arinirka, kanchis niki killkatami charin, kay rikuchishkapika Tarpuyllankayta pushakka Soberanía Alimentaria Minkarishkamanmi shuk llankaywillaytami paykunapak llankay imashinalla paktakushakta riksichun chayachinka, llakikunata ashayachinapak. 60 punchakunanta, shamuk sukta killakuna ukupi, Llankaywasi pushakka tarpuy llakita chimpapuranapak imalla paktakuna rurakushkata shinallatak llaktay paktarinapak churashkatami willanka.
Shinallatak, mañarkami, Shinallatak, mañanpashmi, palanta tarpukkuna atirinakuymanta, kimsa punchakuna ukupi, Ministro de Agricultura pushak El Oro markapi Soberanía Alimentaria Minkarishkakunawan, palanta tarpukkunawanpashmi kay palanta tarpuypak llakita rikushpa yanapayta kallarinapak tantanakuchun kayachirka. Minkarishkapi llankak kamachi killkakunaka Mamallakta Tantanakuymanmi imalla paktashkata riksichinkakuna.
Willayta paktarikushpaka, Ministro de Agricultura pushakka imashina llankay paktashkatami riksichirka. Paklla ayllukunata tarpunapak yanapashkatami willarka. Kay kulla killa 2022 watamantami Creando Oportunidades Credi Fomento tantanakuywan llankakunchik, 5.243 kullki mañashkatami chayachishkanchik, tukuymantaka 16 hunu dólar kullkitami chayachishkanchik. "Kay kullkiwanka paklla runa ayllukunapak llankay sinchiyachunmi yanapanata mashkakunchik, ashalla kullkita yanapanapak chayachishpa", nirkami.
Ashtawanka, murukunata wakichinapak 24 wasikunatami tukuy paklla llaktakunapi churashkanchik, 432 tarpuk runakunatami yanapashkanchik, shinami kawsaytarpuyta charishpa katinapak, shinallatak wiñaymanta charishkatapash sinchiyachinapak yanapakunchik, nirkami.
Llaktayuk rimay
Kallarina ñawpaka, Mamallakta Tantanakuymi llaktayuk rimachun kayachirka, tarpukkunamanta, wakra wiñachikmanta, llaru, palanta, palma tarpukkunamanta, shinallatak ashalla wakra wiñachikkunamantami 10 ayllukuna chayamurka, paykunaka tawka mutsuri tiyashkatami riksichirkakuna, ashtawankarin palanta, llaru, ñuñuta tarpuna allapitak chani mintalaymantami rimarkakuna; kullki mañachinatapash mañarka; shinallatak, tawka markakunapi pachamama llakichishkamanta kullki kutichinata kunkarinapakpash mañarka.
Rimanakuy
Rimanakuypika, 18 kamachi killkakunami rimarirka, paykunaka Ministerio de Agricultura y Ganadería tantanakuyta pushak llaktapi tarpuk ayllukunaman imashina pakta yanapay chayachinapak llankakushkata riksichichunmi mañarkakuna; shinallatak tarpuna hampikuna chanipi yalli wichiyashkata yanapachunpash mañarka; palanta muruta h'akuta, wiwakuna mikunatapash ruranapak yanapay tiyana kan nirkakuna, kayshina Ecuador llaktapi ishkay hunu yalli ayllukuna palanta tarpunapimi llankashpa kawsakukta yanapashun nirkakunami.
EG/pv/cg-k
