Mamallakta Tantanakuyman ministro del Interior pushak, Patricio Carrillo Rosero runata kayachinapak yuyarirkakuna, payka kay Llankaywasimanta shinallatak Policía Nacional tantanakuymantapash kay Duran kitipi, tukuy llakta allpapipash llakikunata, wañuykunata harkanapak imalla llankaykuna paktakushkata willachunmi kayachinapak yuyarirkakuna.
Kay yuyarinakushka killkata 103 ari, 22 mana, shuk yurakpi shinallatak kimsa mana apushitaywanmi arinirkakuna, llankaywasi pushak Carillo runaka Mamallakta Tantanakuyta pushakmanmi, 24 sayllikuna ukupi ñawirishkamanta yupashpa, paypak llankaywillayta chayachina kan.
Kay rimanakuypika llaktapi pushakkunata, tantanakuykunata, yachachikkunata, llaktayukkunatapashmi tukuykunata chaskinka, kaypimi hatun llakikunata imashina chimpapuranapak yuyarinkakuna.
Alexandra Arce, Xavier Jurado kamachi killkakunaka kay yuyarinakushka killka imapak kashkata willashpaka, kay pachakunami llakichiykuna wañuchiypashmi kallpashpa mirashka nirkami. shinallatak pakashpa llakichiypashmi mirashka nirkakunami.
Arce kamachi killkak nirkami "llaktaka mancharishka, llakilla, shuyayllakillami". Acha shustarinami llakta kay llakikunawan kawsakuyka, kashnami Jurado kamachi killkak nirka Mamallakta Tantanakuyta pushakkunami kay llaktapi llakikuna mirarinapi rikuna charikta mashkana kan, kashna llakikunaka llaktapak kullki llankaytami wakllichin, nin.
Roberto Cuero nirkami Guayaquil llaktaka América Latina suyu llaktapurapi 50 kitikuna ukupimi ashtawan llakichik nishpa shutichishka, kay 2022 wata kaykamaka, 1.101 wañushka, 619 munaymanta wañuchishkatami tiyan, kay yupaykunaka ancha mancharinami rikurin. Jorge Pinto runaka, umachinkachinapak maruta churashkamantami llaktapi llakikunaka ashtawan mirashka, nirkami.
RSA/pv/cg-k
