Mamallakta Tantanakuy rimanakuypi, 105 ari, shuk mana shinallatak 23 mana apushitawanmi, Julio José Prado, ministro de Producción shinallatak Édgar Rodríguez, subsecretario de Calidad de esa Cartera de Estado pushakkunata kayachinapak yuyarirkakuna, paykunaka INEN tantanakuypak uchilla kamachiyta imamanta anchuchishkatami willankakuna, llaktayuk paktarinapi wakllirinalla rikurishkamanta.
Sofía Sánchez kamachi killkak, yuyarinakushka killkata ruranapak chayachik, kay mañayka llaktayukkuna, llankaywiñachikkuna, llankaywasi pushakkuna, shinallatak uchilla llankaywasi charikkuna mañay chayachishkamantami wacharirka, shuk yanapak uchilla kamachiyta mana charishkamanta, Ecuador llaktapi rurashka mana paktashinami rikurin. Kayshina rikuymantami, tukuykunata llakikuna chayana kashkata yuyaypaktarichun kayachini, nirkami.
"68 waranka yalli huchachiykunami llaktayuk paktarinapi mana alli mintalay, wakllirishka charinakuna, rikuchishkata mana paktak nishpa huchachishka tiyan", nirkami.
Mutsurinmi pakta rikuchik uchilla kamachiyta sinchiyachina shinallatak 20 uchilla kamachiytapash mana anchuchina, kashnami Sofía Sanchez nirka, shinallatak Ministro de la Producción pushakta willayta mañarkanimi nishpa yuyachirka, mañashkamantaka chapaymi ishkaypi yallikun nirkami. Kayshina rikurishkamanta llaktapak llankakkunaka Mamallakta Tantanakuyman utkashpa chayamuna mutsurin, kaypi imata rikushpa, yachashpatak Uchilla Kamachiyta anchuchinaman paktashkatawillachun, nirkami.
Shuktakmanta rikukpika, istallaktawan mintalayta paktanapak shinallatak chimpapurarishpa kullki llankayman kayachinata, alli chapayta rikuraytapash paktanata, pushaykuna achiklla paktarichun, utkachun, ashayachunpashmi yanapana mutsurin, nirkami.
Ashtawanka, Mamallakta Tantanakuyman chayamunkami: Andrés Robalino, Cámara de Industrias, Producción y Empleo llankaywasita Cuenca llaktapi pushak; Diego Malo Toral, Cámara de Industrias, Producción y Empleo tantanakuyta Cuenca llaktapi pushak; shinallatak, Fausto Zaruma, kay Laboratorio “CESEMIN” llankaywasita pushak shinallatak Decano Facultad de Ciencias Químicas de la Universidad de Cuenca sumak yachana wasita pushak, paykunami INEN tantanakuy allichishka tawka uchilla kamachiyta imamanta anchuchishkata willankakuna.
Kay yuyarinakushka killkapika Régimen Económico Minkarishkatami imalla tiyashkata riksichun shinallatak Mamallakta Tantanakuyman shuk llankaywillaypi riksichichun mañan.
JLVN/pv/cg-k
