Mamallakta Tantanakuypak rimanakuypi, 107 ari apushitaywanmi, Ministerio del Ambiente, Agua y Transición Ecológica, de Agricultura y Ganadería y el Servicio Nacional de Gestión de Riesgos tantanakuy pushakkunata kayachinapak yuyarirkakuna, paykunaka llaktaman yanapayta utkashpa llaktaykunawan chayachinata, tarpunapak yakuta chayanata, yaku wiñachinapi, yaku larkakuna ruranapi, mayu huntaypi, allpa suchuriypi shinallatak usya pachakuna yaku huntaykunapipash chimpapuranpaka llankaykuna paktashkata, pachamama shuktakyashkata chimpapurankapak, pachakunaka achka llakikunami mirarishkata ashayachinapak llankaykuna paktashkatami willankakuna.
Shinallatak Mamallaktapi Autoridad Nacional Agropecuaria, del Ambiente y de Gestión de Riesgos tatanakuyta pushak, tukuy llaktapi llakitukushka kuskakunata rikunaman chayachunpash yuyarirkakuna ashtwankarin Loja markapi, Loja, Zapotillo, Macará, Paltas, Puyango, Pindal shinallatak Celica kitikunaman, kay llaktakunami ashtawan llakikunapi urmashka rikurikun, chaymantami Llaktamanta Llaktaykunata chayachichun mañan shinallami pachamama shuktakyashkamanta llakikunata chimpapuranapak llankaykunata chayachinapak, kay ruraykunaka pachamama shuktakyashkamanta llakikunata achka pachakunata chimpapuranapak churana mutsurin, kay llankaykuna paktanapak kullkitapash chayachichunmi mañarkakuna.
Lucía Placencia kamachi killkak, yuyaypaktarinapak mañayta chayachik, pachamama shuktakyashkamanta llakikunata utkashpa, allita chimpapuranapak yanapaykuna mutsurin nirka. "Kay hatun llakikunata manaran alli hamuktanchikchu, Loja markapika kullkillankaytapash wakllichishka ayllukunapashmi wañushka. Ancha usyamanta sinchi tamyaman yallishkanchik, llakta pushakkunapak willaypika 91 llakikuna, 5 wañushkakuna, 5 chukririshkakuna, 57 wakllirishkakuna, 324 ayllukuna llakitukushka, 127 wasikuna wakllirishka, 14 wasikuna urmashka, 2.245 suni tupukuna ñan wakllirshkami rikurin" ninmi.
Paymantaka, Blasco Luna kamachi killkak pachamama shuktayashka llakita chimpapuranapak utkashpami ruraykunata mashkana mutsurin, kay llakikunaka Ecuador llaktata, allpapacha llatakunatapashmi llakichikun, chaymantami yaku mayukunata, urku yakukunata, tarpuna allpakunatapash alli alli rikurana mutsurin, nirkami.
PV/cg-k
Ashtwan Shuyukuna:
