Mamallakta Tantanakuypi 131 ari apushitaywanmi, Ley de la Contraloría kamachiy mushukyachina killkata arinirkakuna, kay kamachiywanka llakichiykunata chimpapuranapak Llaktapak kullkita alli paktarinapak shinallakta kay llankaywasipak llakikunata chimpapuranapakmi yanapanka, kunanpi paktarikuk kamachiyka wakin chushaklla kamayta charishkamanta, nirkami. Kay kamachiyka shuktak yuyaykunapika, Contralor General del Estado pushakta imamantalla llankaymanta llukshichinamantaka rikurimi, wañukpi, anchurinapak mañashkata Mamallakta Tantanakuy arinikpi, llaktay ñawinchiyshpa llankaymanta anchuchikpi, llankayta wiñaypak shitashpa rikpi. Kamachi rurana killkaka Llakta pushakmanmi rikushka paktarichun chayachishka kanka.
Procurador pushakta Llaktay Ñawinchiyta rikuchik killkataka Fiscalización Minkarishkaman tikrachin
Mamallakta Tantanakuyka Procurador pushakta Llaktay Ñawinchiy rikuchik killkata Fiscalización Minkarishkaman kutin tikrachinapak arinirkakuna, paykunami ushay paktanata rikurashpa kutinpash allichinkakuna, kay Ley Orgánica de la Función Legislativa kamachiypak 81 niki killka rikuchishkata katishpami riksinkakuna, kamay mañashkata mana paktakpika killkataka wakichishkami kanka. Ashtawanka, Llankaywasikunapak kikin ushayta sumaychanapakmi kayachin, paykuna kikin llankaypi katichun shinallatak kamachi killkakkunapak llankaytapash yanapachun kayachirka, kamachi rikuchishkata katirashpa, ashtawankarin ñawinchiynapak ushaytami Fiscalización Minkarishkapi kamachi killkakkunata kamachi killkakuna paktachichun kayachin.
Mamallakta Tantanakuyka pachamama shuktakyashkata chimpapuranapak yanapay tiyachun mañan
Mamallakta Tantanakuyka Ministerios del Ambiente, de Agricultura y Ganadería tantanakuy pushakta shinallatak Servicio Nacional de Gestión de Riesgos Tantanakuy pushaktapashmi llaktapi yanapak llaktaykunata chayachichun yuyarirkakuna, kay llankaykunaka tarpuna yakuta chayachinapak, yaku apana larkakunata ruranapak, mayukuna huntakpi, allpa suchurikpi chimpapuranapak shinallatak pachamama shuktakyashkamanta yalli usyamanta, tamyamanta llakikunatapash chimpapurankapak llankaykunata chayachichun yanapanka. Shinallatak yuyarirkami Autoridad Nacional Agropecuaria, del Ambiente y de Gestión de Riesgos pushakpash, tukuy llaktapi llakikunapi wakllirishkata rikunaman chayachun, pachamama mushukyashkamanta wakllirinalla suyu llaktakunata riksishpa llaktamanta utkashpa yanapanapak shutichichun, Llaktayta churanapak shinallatak shamuk achka pachakunapak yanapayta chayachichun, pachamama shuktakyashkamanta llakikunata chimpapurankaka llaktamanta kullkitapash chayachichunmi rikuchinka.
Mamallakta Tantanakuyka Tarpukkunata yanapak shuk kamachiyta ruranapakmi llankakun
Kay Soberanía Alimentaria Minkarishkata pushak, Mariano Curicama kamachi killkakka, tarpushpa llankak tukuy ayllukunawan makipurashpa llankanapakmi kayachirka, shinami tarpukkuna kunanpi llakikuna apakushkata chimpapurashun nirkami, kunkarishka ayllukunapak yanapay kachun, shinallatak Ecuador llakta ayllukunaman mikunata chayachikta yanapankapakmi, chaymantami makipurashpa rurashka kamachiyta allichishun nirkapash. Curicama kamachi killkakka kay Código Orgánico Integral Agropecuario kamachiy rurana killkapak llankaywillayta rimanakuy ukupimi kashna mañarka, kay killkataka, achkata riksishkpa allichishka kipa, kamaypi paktarishkata chaparashpami, Mamallakta Tantanakuyman, kamachiywa mana alli rurashkata riksishpa, tukuy wankurishka pushak kamachi killkakunaman wakichinapak arinichun chayachirka.
CAL wankuri akllashka kipa sukta kamachiy rurana killkami allichirinata kallarin
Kay Consejo de Administración Legislativa (CAL) wankurika, kamachiy ruranapak sukta kamu killkatami akllarka, kay killkakkunataka Minkarishkakunamanmi allichinata kallarichun chayachirka; willaykuna mañashkata mana chayachishkamanta llankay ñawinchiy kallarichunpash arinirkakuna, shinallatak kamachiy ruranapak tawka killkakunata tantachichunpash mañarka. Kay Ley de Justicia Crediticia que reforma el Código Orgánico Monetario y Financiero kamachiyta; Ley para la Adopción Excepcional Voluntaria desde el Vientre Materno de Niñas y Niños no Nacidos Producto de Embarazos no Deseados kamachiyta; Ley de Cultura kamachiyta; Ley de Reconocimiento a los Héroes y Heroínas Nacionales kamachiyta; Código Orgánico de Comunas, Comunidades, Pueblos y Nacionalidades kamachiy rurana killkakunatapashmi chayachirka.
Shuktakmantaka, Kay Ley Orgánica de la Función Legislativa kamachiypak 75 niki killkapak ishkayniki millkapi churashkata katishpa, Ronal González, kamachi killkak hampinamanta willaykunata chayachinapak mañashkata kutinpash kallarichichun arinirkakuna.
Minkarishkakunapi allichishka llankaywillaykuna Mamallakta Tantanakuypi riksichun ñami tiyan
Kay Desarrollo Económico Minkarishka, Ley de Pagos en Plazos Justos, Primero las Mipymes kamachiy rurana killkapak llankaywillayta ishkayniki rimanakuypak arinirkakuna, kaypika uchilla maltala llankakkunaman shinallatak economía popular y solidaria llankaywasikunamanpash kullki chayachinapak rikuchishka pachakuna ukupi kullkita chayachichun rikuchik kamaytami churan. Kay Derecho al Trabajo y Seguridad Social Minkarishkapika, Código de Trabajo kamachiy mushukyachina killkapi llankaymanta chaypachatak llukshichikpi, kullkiwan riksirinamanta rikuchik niki killkata shinallatak llankakkunapak kikin hayñikunata wankuri hayñikunatapash ukllanapak, sumaychanapak tawka kamachiy mushukchinapak kamachiy rurana killkatapash arinirkakuna shinallatak ishkayniki rimanakuypak llankaywillayta rurana ñawpaman. Kay Gobiernos Autónomos Minkarishkapika kay Código de Organización Territorial, Autonomía y Descentralización (Cootad) kamachiy mushukyachinamanta shukniki rimanakuypak llankaywillayta allichirkakuna, kaypika GAD tantanakuykuna imalla paktanata alli pushayta charinapak allichirkakuna; antapywpi purinata ukllanapak; llaktapi kasiklla kawsanaman kayachinapak; kitikunapi kawsak wiwakunata ukllanapak; shinallatak, antisuyu llaktakunapi kitikunata kallarichinkapakmi yuyaykunata chayachirka.
Llaktayukta uyanamanmi Minkarishkakunaka llaktakunaman chayankuna
Kay Soberanía Alimentaria Minkarishka, Ministro de Agricultura pushak chaypi kashkawanmi, El Oro markapi tantanakurka. Chaypika, palanta tarpukkunapak mutsushka mañaytami uyarkakuna, paykunaka tukuy mamallaktapi palanta tarpushpa llankakunaman chikanyashka yanapayta chayachinapak shutichichunmi mañarkakuna, palanta purunkumanta USD 6,25 chaninata mana paktakushkamanta. Jaramijó shinallatak Chone kiti pushanapi Relaciones Internacionales Minkarishkakuna rimanakurkakuns, kaypika makiwan chalwata hapikkunata mamakuchapi harkakchishkapak wasi ayllukunatapashmi chaskirka, chalwata hapik ayllukunaka uma chinkachinata mintalay llika llakichiypi urmashkakunata shinallatak pushakkunata, llaktayukkunatapash chaskirka, paykunawanmi kay Ley contra la Trata de Personas y Tráfico Ilícito de Migrantes kamachi rurana killkamanta rimanakurkakuna. Kay Participación Ciudadana Minkarishka kamachi killkakkunaka Manabí marka, Jaramijó kitiman chayarkakuna, kaypimi llaktayukkunawan Ley de Transparencia y Acceso a la Información Pública kamachiy rurana killkata shinallatak Ley Orgánica de Participación Ciudadana para la Gestión Democrática de los Presupuestos Participativos kamachiy mushukyachina killkamantapash rimanakurkakuna.
Kamachi arininaka llaktayukkuna makipurashkatami kutichin
Kay Ley para la Gestión de la Emergencia Sanitaria por Pandemia causada por la Covid-19 kamachi rurana killkata riksina ukupi, David Egas runa, mamakamachiymanta riksik, Universidad Central sumak yachana wasipi yachachiktami chaskirka, payka pandemia unkuyta chimpapuranapak llaktapi estado de excepción mañayta mana kallarichishpa yanapankapak shuk kamachiymi mutsurin nirkami. Kay Ley Derogatoria del Decreto – Ley para el Desarrollo Económico y Sostenibilidad Fiscal tras la Pandemia Covid-19 kamachiyta anchuchinapak rimanakuypi, Shuktakpika Desarrollo Económico Minkarishkapi Energía shinallatak Minas llankaywasi pushakkuna;, Telecomunicaciones pushakkunatapash chaskirka; punkarata mintalanapak yuyarinakushkatapash riksirkakuna. Kay Garantías Constitucionales Minkarishkaman Superintendencia de Bancos, Junta de Política y Regulación Financiera pushakkuna shinallatak Asobanca pushakkunami Ley de Juventudes kamachiymanta yuyaykunata chayachirka. Shuktakpika Biodiversidad Minkarishkaman kay Código de Ambiente kamachi mushukyachinapak pachamamata ukllashpa katina yuyaywan kamay paktashkata riksikunkuna. Kay Gobiernos Autónomos Minkarishkapi kay Cootad kamachi mushukyachina killkata llaktayukman riksichishpa katikun, chaypakmi markapi GAD pushakkunawan shinallatak CONGOPE pushakkunawanpash tantanakurka.
Achiklla llankaymanta, wichkashka wasipi llakikunamanta shinallatak hayñita ukllanamantapashmi Minkarishkakunapi llankanapak churashka
Kay Justicia y Estructura del Estado Minkarishkapika Rosa Mayorga, Humberto Alvarado shinallatak Luis Almeida kamachi killkakkunatami chaskirka, paykunaka Ley de la Contraloría kamachiy mushukyachinapak yuyaykunatami achikyachishpa willarka shinallatak wichkana wasikunapi llakikunata imashinalla chimpapuranapak yuyaykunata chayachirka. Kay Relaciones Internacionales Minkarishkapika Ley de Movilidad Humana kamachiyta ruranapak yuyaykunata chaskishpa katikun. Kay kutinka, istallaktakunapi wañukpi apamunapak kullkimanta, shinallatak llakta ayllukunamanta, llakta allpamatapash yuyaykunata rikunapimi rimanakurkakuna. Kay Soberanía, Integración y Seguridad Integral Minkarishkapika Código de Seguridad Integral kamachi ruranapak killkakunapika llaktapi llakikuna tuyanamantami yuyaykunata chaskishpa katirka. Shuktakpika, Ñiñez Minkarishkapi, Código Orgánico para la Protección Integral de las Niñas, Niños y Adolescentes (Copinna) kamachi rurana killkamanta yachakkunapakta, tantanakuykunapak yuyaykunata chaskishpa katirkakuna. Shuktakpika Seguridad Integral Minkarishkamanmi, Consejo Defensorial de Derechos Humanos del Ecuador tantanakuypak minkarishkuna chayamurka, paykunaka kay llaktapi wichkashka kawsana wasikunapak llakikunata imashina chimpapuranamanta yuyaykunatami chayachirka. Kay Régimen Económico Minkarishkamanka Alberto Acosta Burneo yachak runami kay Código Monetario kamachi mushukyachina killkapak yuyaykunata chayachinapak shamurka.
Llaktay Chaparaytaka tukuy Minkarishkakunami paktachin
Kay Educación Minkarishkapika yachachikkunapak tantanakuyta pushakkunawan rimanakurka, paykunawanmi kay Ley de Educación Intercultural kamachiy mushukyachinata Llakta pushak tukuy allichinami nishpa yuyarishkata chimpapurankapak rimanakurkakuna, kaypika yachachikkunapak killa llankaykullki paktakanatami rikuchin. Kay Comité de Ética Minkarishkapika Eitel Zambrano shinallatak María Fernanda Astudillo kamachi killkakkuna huchachishkata mitsarishkatapash riksichik killkakuna chayachishkatami riksirkakuna, kay Ley Orgánica de la Función Legislativa (LOFL) y del Reglamento del Comité de Ética kamachiykuna rikuchishkata katirashpami rikurka. Kay Fiscalización Minkarishkapika Llaktapi karu uyachik llankaywasikunawan yuyarinakushkata kutinpash arninapakmi riksishpa kallarirkakuna. Kay kutinka AESETEL, ASIET shinallatak CALA 5G Américas llankaywasi pushakkunatami chaskirka. Kay Gobiernos Autónomos Minkarishkapika Mamallakta Tantanakuyta pushak, Guadalupe Llori Abarca kamachi killkakta, Ministro de Obras Públicas llankaywasi pushaktami Llaktay Ñawinchiyta kallarinapak akllachun mañanatami yuyarirkakuna, Minkarishka willayta chayachichun mañashkata mana kutichishkamanta. Kay Educación kati Minkarishka istallaktapi yachashka iñik pankakunata riksishpa arininapi llankakukkunaka, pushakkunawan, chuskuniki yachaypi paktarishka ayllukunawan paykunapak yachashka iñik pankata mana riksishkamanta llaki charikkunawanmi rimanakurkakuna.
PV/cg-k
