Mamallakta Tantanakuyta pushak, Guadalupe Llori Abarca shinallatak Unicef tantanakuyta kay Ecuador llaktapi pushak, Angela Melo pushakwan wawakunata yanapanapak kullki paktarishkamanta chaparanapak yuyarinakushka killkata arinirkakuna.
Pushak Llori kamachi killkakka kayshina yuyarinakushka killkawanka wawakunapak, paklla wamrakunapak hayñita sumaychanapak kullki chayachishkata rikuranatami mashkakuna; kayshina llankaywanka ñawirinata, shinallatak llaktay chapaytami paktachinkakuna.
Luz Ángela Melo, Ecuador llaktapi Unicef minkarishka pushakka, Mamallakta Tantanakuyta shinallatak Régimen Económico Minkarishkata yanapashpa katinapakmi kay yuyarinakushka killkata arinirka. Unicef tantanakuy yanapakushkawan, Mamallakta Tantanakuyka chikanyashka, millashka, shitashka kawsakukta rikuranapak yanapay chayachinatami sinchiyachinka.
Kay yuyarinakushka killkaka Mamallakta wata llankana kullki paktashkata rikunawanmi paktarin, shinallatak kamachiy ruranapak mutsurishka kullki paktanata chaparaypipash. Kay yuyarinakushka killkata paktachinapika Régimen Económico Minkarishka shinallatak Unidad de Técnica Legislativa wankurimi chaypikanka, kay 2021 shinallatak 2022 wata llankaykullki ukupi mashna kullki mutsurishkata rikuranapak.
Puchukaypika, Mamallakta Tantanakuyta pushakka, kay Convención por los Derechos del Niño killka shinallatak istallakta hayllikunapash runa hayñi paktakushkata rikunapak mutsurishkatami paktanka, nirmi.
PV/cg-k
Ashtawan shuyukuna:
