Mamallakta Tantanakuypak No. 773 niki rimanakuypimi Superintendente de Compañías, Valores y Seguros tantanakuy mushuk pushak, Ing. Marco Giovanny López Narváez runata llankaypi kallarichirka, kayshina paktayka Mamakamachiypak 120 niki, 11 yupay killkapi shinallatak Consejo de Participación Ciudadana y Control Social Tantanakuypak No. CPCCS-PLE-SG-017-E-2022-901 yuyarinakushka killkata katishpami paktarkakuna.
Víctor Anchundia pushak runata ñawinchishpa llankaymanta shitashka kipami, Consejo de Participación Ciudadana y Control Social tantanakuyka Marco López runata 26 puncha 2022 watapi pushanapak akllarka. Mamallakta Tantanakuyta pushak, Guadalupe Llori Abarca kamachi killkakmi, Superintendencia de Compañías, Valores y Seguros tantanakuy mushuk pushakta, kaypachakunapi llankachun kallarichirka.
Kay Superintente pushak runaka, Casa de Valores Prebursatil tantanakuypi; Corporación Civil Bolsa de Valores de Guayaquil pushay rimaripi; Directorio del Banco Central del Ecuador pushanapi; shinallatak, Junta de Política y Regulación Monetaria y Financiera tantanakuy minkashkapipashmi ñawpaka llankarka.
BG/pv/cg-k
Ashtawan Shuyukuna:
