Mamallakta Tantanakuyka Seguridad Social Kamachiy killkata shukniki rimanakuypi riksirka

Viernes, 06 de mayo del 2022 - 14:57 Imprimir Elaborado por: Sala de prensa
Asamblea Nacional tramitó en primer debate proyecto de Ley de Seguridad Social

Mamallakta Tantanakuyka Ley de Seguridad Social kamachiy mushukyachina killkata shukniki rimanakuypi riksirka, kay kamachiywanka chalwata hapishpa llankakkuna shinallatak ayllu llaktapi llankakkunapash seguridad social yanapayman hampirinamanpash yaykurichun shinallatak pushaypipash chayanapak mashkachunmi yanapan. Kay llankaywanka Seguro Social Campesino pushayman chayanapakmi mashkakun. Chaypakka, kawsana allpa shuti mushukyashka kakpipash runa ayllupak kawsakushkaka chayshinallatakmi katinka, shinapash llankak runa kay Seguro Social Campesino wankuripi kimirishpa katina yuyayta riksichikpi.

Mamallakta Tantanakuyka Superintendente de Compañías, Valores y Seguros mushuk pushakta llankaypi kallarichirka

Mamallakta Tantanakuypimi Marco Giovanny López Narváez runa, kay Superintendente de Compañías, Valores y Seguros tantanakuy pushakta llankaypi kallarichirka, kayshina raymika mamakamachiypak 120 killkata, 11 yupayta katishpa shinallatak No. CPCCS-PLE-SG-017-E-2022-901, kay Consejo de Participación Ciudadana y Control Social (CPCCS) tantanakupak yuyarinakushka killkata katishpami paktarirkakuna. Víctor Anchundia runata mana pakta llankashkamanta pushaymanta llukshichishka kipami kay CPCCS tantanakuyka Marcos López runata kay 26 puncha ayriwa killa 2022 wata shutichirka. Mamallakta Tantanakuyta pushak, Guadalupe Llori Abarca, kamachi killkakmi, kay Superintendencia de Compañías tantanakuy mushuk pushakta, llankanapak pachakuna riksichishka ukupi llankachun llankaypi kallarichirka.

Warmikunapak killa unkuyta rikuk kamachi killkata shukniki rimanakuypi riksirka

Kay Ley de Salud e Higiene Menstrual kamachiy rurana killkataka Mamallakta Tantanakuymi shiniki rimanakuypi riksishka. Kay kamachiywanka warmikuna killa unkuypi kashpa alli kawsay charinapak chuyaklla tukuy mutsushkata, pakta paktapash charinapakpi yanapanka; kamachiyka llaktapak yachana wasikunapi yachakukta, wakcha ayllukuna llaktapak hampina wasiman yanaparinaman chayamukman shinallatak wichkashka kawsakuk ayllukunatapashmi yanapanka ashtawankarin ayllu llaktakunapi kawsak warmikunatami kallaripi churashpami yanapanka. Kay kamachiyka warmikuna killa unkuy pachakunapi kawsakushpa tukuy mutushkata chuyakllata charichunmi rikuranka.

Mamallakta Tantanakuy Unicef wankuriwanmi makipuranapak killkata shuti aspirkakuna

Mamallakta Tantanakuyta pushak, Guadalupe Llori kamachi killkak shinallatak Unicef Ecuador wankurimanta minkashka, Ángela Melo runawanmi, wawakunaman yanapay chayashkata katiranapi makipurana killkata arinirkakuna.

Pushak Llori kamachi killkakka kay yuyarinakushka killkawanka wawakunapak, paklla wamrakunapak hayñikuna sumaychanapak llankaykullki chayashkata rikuranatami mashkakun; shinallatak kay willaykunaka llaktay ñawinchiyta chaparaytapashmi yanapanka, chaymantallatak rimashpaka Ángela Melo runaka Mamallakta Tantanakuyta shinallatak Régimen Económico Minkarishkatapash kay yuyarinakushka killkata paktachichun yanapashpa katinapakmi arinirka. Kay Unicef wankuri yanapashkawanka Mamallakta Tantanakuymi chikanyachishka, millashka, shitashka kawsayta ashayachinapi llankaytami llankayta sinchiyachinka.

Mamallakta Tantanakuypi ñawinchiyka punchantami paktarin

Kay Comité de Ética wankurika Mamallakta Tantanakuytami kay Eitel Zambrano runa kay María Fernanda Astudillo runata huchachishkata wakichichunmi rikuchirka, tukuy taripashka kipa Llaktapak Llankaykullkita chayachichun mañashka mana achiklla rikurishkamanta. Kay Fiscalización Minkarishkapika Ferdinan Álvares kamachi killkak kay Procurador General del Estado pushakta llaktay ñawinchiyman kayachishkami mamakachiypak 131 niki killkapi mañashkata mana tukuy paktashka chaymantami ñawinchichun mañayta chayachikllatak killkata anchuchirka shinallatak tawka kamachi killkakkunapashmi paykunapak shuti aspishkata anchuchirkakuna. Shuktakpika Educación Minkarishkaman kay Consejo de Educación Superior y el Consejo de Aseguramiento de la Calidad de Educación Superior pushanapak akllaypi mishak runakunatami chaskirka. Kay Derecho al Trabajo Minkarishkamanka Ministro de Trabajo pushakmi chayamurka, payka kay Mirador suyu llaktapi chukita llukshichishpa llankay paktakushkatami willarka. Participación Ciudadana Minkarishkamanka palanta uchilla maltalla tarpukkunami chayamurka, paykunaka kamachiyta mana paktachikpimi llakiman llakikunaman chayashkanbchik shinallatak waranka waranka llankaykunami chinkarishka nirkami. Kay Protección Integral a Niñas, Niños y Adolescentes Minkarishkamanka shamuk chillay punchapakmi Ministra de Educación pushakta kay Quito llaktapi shuk yachakukta yumayllakichishkamanta imalla taripay paktakushkata riksichichun kayachirka, kipaka Ministro del Interior pushakmi kayachishka kanka. Kay Soberanía Alimentaria Minkarishkapika IESS shinallatak Seguro Social Campesino pushakkunatami chaskirka, paykunawanmi kay llankaywasikunapi hampikuna shinallatak hampina yachak ayllukunapash illashka llakikunamanta rimanakurka. Kay Ministro del Deporte pushak runaka Derecho a la Salud Minkarishkaman chayamurka paywanka yachanapak sinchi llankana wasikuna shinallatak kay Antidopaje tantanakuypash paktarina imashina kashkatami riksichirka.

Minkarishkakunaka llaktayukkuna llaktapash mutsushka kamachiy rurana killkatami rikshpa katikun

Kay Régimen Económico Minkariskapika Ley del Sistema Nacional de Contratación Pública kamachiyta shinallatak Ley de Prevención de Lavado de Activos en el Fútbol Ecuatoriano kamachiy rurana killkatami riksishpa kallarirkakuna. Justicia Minkarishkapika chunka ishkay kamachiy ruranapak mushuk killkakunatami chaskirka: mamapak wiksapirak kakpi shuktak yayamama wawachakunata, Función Judicial, Código Orgánico Integral Penal shinallatak hampinapak kamay, Mamallakta Tantanakuy ñawinchina ushayta, llaktapak yanapay alli, kasiklla kawsay killkata shinallatak llaktayukpak shutikuna killkay charinata rikuranapak kamachiyta rurana killkakunata tawka wankurikuna chayachishkatami killkatami riksirkakuna. Kay Garantías Constitucionales Minkarishkapika Código para la Protección y Garantía de los Derechos Colectivos de las Comunas, Comunidades, Pueblos y Nacionalidades kamachiyta ruranapak llankayñan panka allichishkatami arinirkakuna.

Llaktayukkuna chaypikanami kamachiy rurana killka allichinapika hatun yuyay kan

Kay Relaciones Internacionales Minkarishkaman Ministerio de Finanzas pushakkunami chayamurka, kaypimi istallaktapi riksichik wankurikuna ayllukuna wañukpi llaktaman apamunapak kullkimanta rimanakurkakuna, kay rimanakuyka Ley de Movilidad Humana kamachiy rurana killkata allichina ukupimi paktarirka. Shuktakpika kay Decreto – Ley para el Desarrollo Económico y Sostenibilidad Fiscal tras la Pandemia del Covid-19 kamachiy killkata anchuchinapak rimanakuy ukupika, Desarrollo Económico Minkarishkaman llaktayukkuna shinallatak yachakkunapashmi paykunapak yuyaykunata chayachinaman shamurkakuna. Shuktakpika hampina yachakkunawanmi Pontificia Universidad Católica del Ecuador yachana wasi ukupi, Hampina yachay imashinalla paktanata rimanakurkakuna, kay rimanakuymanka Marcos Molina kamachi killkak Derecho a la Salud Minkarishkata pushak shinallatak PUCE yachana wasi pushakmi kayachirkakuna. Soberanía Alimentaria Minkarishkapika Banco de Alimentos Quito (BAC) wankurishka pushakta shinallatak kikinmanta llankak kamak runatami, kay Código Orgánico de la Producción, Inversión y Comercio Exterior; Ley Orgánica de Sanidad Agropecuaria; shinallatak, Código Orgánico Integral Penal (COIP) kamachiykuna mushukyachina paktakushkata rimanakunapak chaskirka, kay mushukyachinaka mikunakunata ama shitanapakmi yanapanka.

Minkarishkakuna Mamallakta Tantanakuypi riksinapak llankaywillayta arinirka

Kay Participación Ciudadana Minkarishkapi tukuy kamachi killkakkunami Ley de Transparencia y Acceso a la Información Pública kamachi rurana killkata ishkayniki rimanakuypak llankaywillayta arinirkakuna, kay kamachiywanka willayman utkashpa, pakta pakta, riksinaklla churashkaman, shina llaktayukta yanapanapak hayñita paktachinapimi mamakamachiy rikuchishkata katishpa yanapanka. Ashtawanka, Gobiernos Autónomos Minkarishkapika Ley para Asegurar la Asignación Directa y Oportuna de Recursos de los Ingresos Permanentes y No Permanentes a los Gobiernos Autónomos Descentralizados kamachi rurana killkatami arinirkakuna. Justicia y Estructura del Estado Minkarishkapika Código Civil kamachiy mushukyachina killkapak llankaywillaytami shukniki rimanakuypak arinirkakuna, kay kamachiywanka wiwakunata ukllanapak alli kawsay paktanapakmi rikuranka.

PV/cg-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador

escort bursa

bursa escort

görükle escort bursa eskort bayanlar bursa eskort bursa escort bayan bursa elit escort escort bursa vip escort alanya escort bayan antalya escort bayan bodrum escort