Kay Salud e Higiene Menstrual kamachiy rurana killkata Mamallakta Tantanakuy No.773 niki rimanakuypi riksirkakuna; Marco Molina, Derecho a la Salud Minkarishkata pushakmi kay kamachiy imalla yuyaykunata charishkata riksichirka shinallatak warmikuna killa unkuypi kashpa tukuy chuyaklla yanapayman paktarichunmi rikuranka, ashtawankarin pakta alli kawsayta charichunka chikayachishpami ashtawan wakllirinalla ayllukunata yanapanka, nirkami.
Ashtawanka, kay kamachiy rurana yuyayka wakcha warmi wamrakuna, hatun warmikunapash killa unkuypi yanaparinapak hillayta paktachunmi yanapanka. "Kay kamachiywanka llaktapak yachana wasikunapi yachakuk ayllukunatami yanapanka; llakta llankaywasiman yanapayta manakkunata shinallatak wichkashka kawsakuk ayllukunatapashmi yanapanka, ashtawanka runa ayllu llaktapi kawsakkunatami kallaripika yanapanka.
Llaktayuk rimanakuypika Bernarda Cornejo, Valeria Galarza, Camila Albuja, kay Red en Rojo tantanakuymanta, warmikuna killa unkuyta pakta pushanapimi llankakunkuna; shinallatak, Aimé Maza Valle, kay Movimiento de Mujeres de El Oro tantanakuymantapash, paykunaka warmikuna killa unkuy punchapi chuyaklla hillaykuna paktanapak llaki charishkatami riksichirkakuna. Mutsushkata chayachinalla mana kanchu, ashtawanpash willayta, yachachiytapashmi chayachinapak mashkakun, nirkakunami.
Rimanakuy
11 kamachi killkakkunami rimarirka, paykunaka kay kamachiyka warmikunapak killa unkuyta pakta alli apanapimi yanapanka shinallatak charinapakpash rikunka, ashtawankarin, wakcha ayllukunapak, nirkami.
Chuyayachinata shimita kapakniki killkapi mushukyachirka, shuktak yuyaykunapika kay kamachiyta tukuyta tantachikmi; mayhanlla llankaywasikuna kay warmikuna mutsushkata chayachinapak shutichin; runa ayllukunapura hampinata kimichin, paykuna yachashkata sumaychashpa, shinallatak runa ayllu llaktakunapi warmikunata yachachinatapash kallaripi churanapak rikuchin..
Puchukaypika kay kamachiy llaktapak kullkita mutsushkamanta, maymanta kay kullki llukshinata, wiñayta chayachishpa katinapak rikuchinami mutsurin; shinallatak kayshina mutsurishkata paktanapak usharin mana ushariktapash yachay paktanami rikurin, nirka.
Rimanakuyta puchukashka kipaka, Derecho a la Salud minkarishka tukuy yuyaykunata ishkayniki rimanakuypi riksichinkapak chaskishpa katinkami.
RSA/pv/cg-k
Ashtawan rimanakuy:
