Kay Ley para Fomentar la Producción, Comercialización, Industrialización, Consumo y Fijación del Precio de la Leche y sus Derivados Kamchiy rurana killka Soberanía Alimentaria Minkarishkaman tikran, kaypimi kamachi killkakkuna Mamallakta Tantanakuypak ishkay niki rimanakuypi chayachishka yuyaykunata allichinkapak.
Chaypakka, Soberanía Alimentaria Minkarishkata pushak, Mariano Curicama kamachi killkak, kay Ley Orgánica de la Función Legislativa (LOFL) kamachiypak 61 niki killkatapi kimirishpami, Mamallakta Tantanakuy pushak, Guadalupe Llori kamachi killkakta, tukuy yuyay chayachishkata killkashpa allichinkama punchapi llankanata harkachichunmi mañarka.
Curicama kamachi killkakka kay llaktapi ñuñu wiñachinata yanapashkamanta tukuy kamachi killkakunatami yupaycharka shinallatak shuk kamachiytami ñuñu tarpuy llankayta rikunapak, kuyuchinapak, chaparanapak, chaypikanapak, sumaychanapak, sinchiyachinapakpash mutsunchik, nirkami.
Rimanakuypika, Lenín Mera runaka runa ayllu llaktaman kutinpash rikuyta tikrachishkamanta kushiyanimi nirka shinallatak tukuy tarpushpa llankak ayllukunapak hayñita sumaychankapak ashtawan mushukyay mutsurinmi nirka. "Kunanmi 200 waranka yalli runakuna ñuñuta wiñachishpa llankakta yanapak kamachiyta rimanakuna pachakuna", nirkapashmi..
Entre las distintas observaciones presentadas por los legisladores, Rafael Lucero destacó que en el articulado se debe declarar a la actividad ganadera productora de leche como de interés público, mientras que Dina Farinango resaltó que es urgente fijar el precio de sustentación del litro de leche, ya que los productores siguen cobrando un precio bajo a pesar de que en la percha los precios suben sin control. Ricardo Ulcuango subrayó la importancia de contar con una ley que establezca el precio de sustentación
Tawka yuyaykunata kamachi killkakkuna chayachishkawan, Rafael Lucero runaka kamachiypak niki killkapika wakrata wiñachishpa ñuñuwan llankaytaka llaktapak mutsurishka nishpa shutichina nirkami, shinallatak Dina Farinango kamachi killkakka ñuñu litro tupu mashka chanitanmi rikuchina kan nirkami, tarpukkunaka ñuñumanta ashalla chanitami chaskikun ayllukunaman mintalaypi ñuñu chani mana pi harkashka mirakukpipash. Ricardo Ulcuango kamachi killkakka ñuñu chaninata pakta rikuchinami mutsurin nirkami.
Paymanta, María José Plaza kamachi killkakka ñuñumanta chaninataka tarpukkuna mutsurishkata paktanatami rikurana kan shinallatak mintalay kuyurishka ukupimi paktarina, nirkami. Viviana Veloz shinallatak Marlon Cadena kamachi killkakkunaka ñuñu yaku mintalanatami kay llaktapika harkana kanchik, tarpukkunawan wakllichishpa paktarik kashkamanta. Jhon Vinueza kamachi killkakka ñuñu tarpuyta sinchiyachishka kipaka, tarpunapak antakunata, hampikunata, mutsurishkakunata shinallatak aparinapak antawakunatapashmi chayachina kan kayshina ñuñumanta tukuy rurashkakunata chiri ukupi pakta wakichinkapak, nirkami.
Kay LOFL kamachiytapak 61 niki killkata katishpaka, Soberanía Alimentaria pushakmi kay minkarishkapi tukuy llankakkunata kayachinka, shuk rimanakuypilla, yuyaykunata killkapi churashpa kamuta arininka, kay killkatami Mamallakta Tantanakuyman pusak punchakuna ukupilla chayachinka.
BG/pv(cg-k
Ashtawan Shuyukuna:
