Kay 772 niki rimanakuy kutin kallariypika, Mamallakta Tantanakuypimi Ley para Impulsar la Economía Violeta kamachiy rurana killkata riksishpa kallarirkakuna, kay kamachiywanka kari warmipash llankaman pakta chayachunatami yanapanka shinallatak llaktaykunata wiñachinapika warmi ayllukuna ashtawan kullkillankaypi sinchiyachun paykuna yachashkatapash ayllukunaman chayachichunpash, shinami tukuykuna pakta pakta llankay charinata sumaychanka.
Shukniki rimanakuypi llankaywillayta riksichina ñawpa, Desarrollo Económico, Productivo y la Microempresa Minkarishkapi allichishka killka, Shukniki kipapushak, Virgilio Saquicela, rimanakuyta pushakuk, llaktayukta chaskipanapak kayachirka chaypimi Nua Fuentes, Proyecto Transgénero tantanakuymanta runa, kay LBGTIQ tantanakuypi kimirishka ayllukuna tukuy llaktapi imashinalla kawsakushkata riksichishpa rimarka.
Nirkami kay llaktayukkunaka yanapak llaktaykunatami mutsunchik tukuy llakta kawsaypi pakta kimirinkapak rikurachun, kayshinaka alli llankayta, hampirinata, yachayta shinallatak, ashtawanka sexogenérica munay charik ayllukunapak kawsayta sumaychachunmi mashkakunchik, chaymantami kay kamachiyka ñukanchikpak kawsayta yanapachun anchata mutsurin.
Kay kamachiyka llaktamanta churashka harkaykunatami ashayachinka (kayshina killa kullki harkay, mamakuna samana pacha shinallatak wawakuna chuchuchina rakiriy, kari warmipaklla llankaywasi, shuktakkunapash) pushayman yuyay paktarinamanpash chayanapak yanapanka, shinallatak pushanapi, llankay rikunapipash warmikunata churana kashkata chaparanka, kayshina paktarinak shukllapak llaktapak llankakay wasikunapi chayanka, kayshinami warmikuna chaypikanataka kayachinka sinchiyachinkapash.
Llaktayuk chayamuna pachakunata wichkashka kipaka, Virgilio Saquicela kamachi killkak 772 niki rimanakuyta wichkarka shinallatak rimanakuy katinapakka awkarik 31 puncha, aymuray killa, 16h00 chishipakmi kayachishpa sakirka.
EG/pv/cg-k
Ashtawan shuyukuna:
