Pushak Guadalupe Llori awkakunapak raymiman chayarka, Batalla de Pichincha atiriy ishkay patsak watakunata paktashkata yuyarirka, kay raymimanka Fuerzas Armadas del Ecuador hatun tantanakuymi kayachirka. Guillermo Lasso llakta pushakwan shinallatak Llaktapak llankaywasi pushakkunawanpash chaypi karka, kay raymipika llakta kishpirinapak wiñayta yuyarina atirinakuypi wañushka ayllukunatami sumaychashpa yuyarirkakuna.
Raymika, llaktaman kuyayta riksichishka, sumaychashka ukupimi paktarirka, mamallaktapak wipala yaykushkawan, kipata wakachishkawan shinallatak kay llakta kishpirinapak 24 puncha aymuray killa 1822 wata makanakuk ayllukunata yuyarishkawanmi kallarirka,
Utka tutamantamanmi Mamallakta Tantanakuyta pushakka Templo de la Patria wasi, Cima de la Libertad kuskaman chayarka, kay kuskapimi awka runakunaka ñukanchik llakta kishpiriytaka paktarkakuna. Kaypimi Mamallakta Tantanakuypak shutipi shuk sisa llawtuta, 24 puncha aymuray killa 1822 watapi llakta ayllukunata yuyarishpa sakirka, paykuna llakta kishpirinata munaywan mashkashkatami sumaycharkakunas.
Ashtawanka Llakta pushakwanka, llakta kipa pushak, Alfredo Borrero Vega runa, llaktapak llankaywasi pushakkuna, llakta llankay chapakkuna, Awka pushakkuna, Fuerza Aérea pushakkuna shinallatak Armada Nacional pushakkuna, Comando Conjunto de las Fuerzas Armadas tantanakuyta pushak, istallaktamanta riksichik pushakkuna, llakta ayllu pushakkuna, awkakuna, chapakkuna, shuktakkunapashmi chayamurka.
Wiñaykawsay yuyarina raymika llaktapak kimsa tullpi wipalla chuksishkawanmi puchukarka.
PV/cg-k
Ashtwan Shuyukuna:
