103 ari apushitaywanmi, Mamallakta Tantanakuyka kay Ley para Fomentar la Producción, Comercialización, Industrialización, Consumo y Fijación del Precio de la Leche y sus Derivados kamachi rurana killkata arinirkakuna, kay kamachiwanka ñuñuta wiñachinapak, rikuranapak shinallatak ñuñuta tarpunapakpashmi kamanka, shinallatak ñuñuta apashpa llaktayukman chayachinapak tukuy paktanakunata ruraykunatapashmi alli kachun sumaychanka.
Kay Soberanía Alimentaria Minkarishkata pushak, Mariano Curicama kamachi killkakmi, tukuy kamachiy charishka yuyaykunata riksichirka, Mamallakta Tantanakuypi apushitay ñawpaka kay kamachiy rurana puchukay killkapi mushukyachishkata riksichirka, tukuy kamachiyta 49 niki killkatami charin.
Kamachiyka ñuñuta tarpukkuna kay Consejo Nacional de la Leche tantanakuyman ashtawan kimirichunmi yanapan; ñuñu yakuwan rurashka mikunakunata mintalanapak harkan; ñuñumanta rurashka mikunakunaka tukuy willaykunata shinallatak imalla alli mikuna charishkatapashmi rikunakllata churanka; shinallak, shuk litro tupi ñuñuta tarpuna llaktapi mashna kullkipi chaninatapashmi riksichin.
Rikuchinpashmi, llakta pushakkuna, ñuñu tarpukkunamantak ñuñuta rantichun shinapash ñuñuka chuyaklla, tukuy mapakuna illak ayllukuna mikunaklla kashkata rikurashpami rantina kan, ninmi. Paykunallatakmi llaktayukkuna ñuñuta ñuñumanta rurashkakuna paktanapak llaktaykunata ruraykunatapash allichinka.
Mariano Curicama kamachi killkakka Ecuador lllaktapi tarpushka kawsakkunata naparka yupaycharkapash, kay kamachiyta ruranapak yanapashkamanta: "Tukuy ayllukunatami shunkumanta yupaychani ñuñu tarpukkunata yanapashpa kamachiyta paktashkamanta", nirkami.
Kay kamachiy rurana killkataka Llaktapushakmanmi utkashpa chayachinka, paymi 30 punchakuna ukupi arininka nakashpaka allichinapak rikuchinka, kashnami Mamakamachiy shinallatak Ley Orgánica de la Función Legislativa kamachiypash rikuchin.
BG/pv/cg-k
Ashtawan Shuyukuna:
