Tawka wankurikunamanta 71 kamachi killkak ayllukuna rimarishka kipami Mamallakta Tantanakuyta pushak, Virgilio Saquicela, rimanakuyta harkachirka, kay rimanakuypika Llakta pushak Guillermo Lasso Mendoza runata pushaymanta llukshichinatami rimanakukunkuna, kay mañay paktarikunaka Ley Orgánica de la Función Legislativa kamachiypi shinallatak Mamakamachiypipash rikuchishka pachakuna ukupimi kan.
Kay rimanakuyka shamuk awkarik puncha, 11H00 sayllitami kutin kallarinka, kaya punchapakka Mamallakta Tantanakuymanmi ministros del Interior, Patricio Carrillo y de Defensa Nacional, Luis Lara, llankaywasi pushakkuna kayachishka kan, kashnami Mamallakta Tantanakuyta pushakka willarka.
Kaykamaka 16 sayllakunatami rimarishkakuna, kaypimi kamachi killkakkunaka UNES wankurimanta shuk killkapi Llakta pushak, Guillermo Lasso runata llankaymanta llukshichinapak mañashkamanta yuyaykunata chayachirkakuna. Mamallakta Tantanakuyka rimanakuytaka kay Ley Orgánica de la Función Legislativa (LOFL) kamachiypak 51 niki killkapi, shinallatak mamakamachiypak 130 niki, 2 yupay killkatapashmi kallarirkakuna.
Kay 782 rimanakuyta kay inti 26 puncha raymi killa, 16H00 sayllamanta katinapika, 137 kamachi killkakunami llikapankaman chayamurkakuna. Kamachi killkakkunaka tawka yuyaykunatami chayachirkakuna, kay yuyaykunapika Llakta pushakka runa ayllukuna mañashkata kutichinatami charin nirkakuna shinallatak Mamakamachiypi rikuchishka hayñikunata chaparana llaktayuk chaypikanatapash sumaychanami kan, ninmi.
Kasiklla atirinakuyta mana llakichishpa paktarichunmi riksirirkakuna. Llaktapak alli kawsayta mashkanapimi paktarina kan, kay paktarikunawanka Llakta pushakta llukshichinapak rimanakuyka mana kanchu, ashtawapash llaktapak alli kawsayta mashkaymi kan. Ashtawankarin Llaktayta shinallatak llaktapak llankaywasita charishpa katinapakmi mashkana kan, kasiklla kawsanata shinallatak mana piñarinata mashkashpa, kayshina llaktapak kawsayta ama wakllichinkapakmi .
Llankay, yachana wasikuna, llaktapi kasiklla kawsay, charinata yallitak chanipi mirashkamantami llaktapi atirinakuyka kan, ashtawanpash wawkipura llakichiy, wakllichiy, shuway, wañuchiy, chukriri, runakuna atirikunakuypi pakalla llakichikkuna kimirishkapashmi rikurin.
JLVN/pv/cg-k
