Kay awaki punchami mushuk rimanakuyman Mamallakta Tantanakuyta pushak, Virgilio Saquicela kamachi killkakka, Llakta pushakkunata, Conaie tantanakuy pushakkunata shinallatak llaktapi tantanakuy pushakkunatapash, kay atirinakuyta harkachinapak kayachirka.
Mamallakta Tantanakuyta pushakka rimanakuyman arinishkamanta yupaycharkami, Ecuador llaktapi kasiklla kawsayman chayanapak. Utka allichinaman chayashka kachun, llaktaka chaparakunmi shinallatak wawkikunashina makipura shuk llaktapi kawsakkuna shina hayñikuna ukupi purinkapak, nirkami.
Kay rimanakuymanka ministro de Gobierno, Francisco Jiménez; Fabián Pozo, Llakta pushakpak killkakamayuk; Iván Correa, kay Administración Pública killkakamayuk shinallatak llankaywasi pushakkuna; Leonidas Iza, Conaie tantanakuyta pushak, shinallatak Feine, Ecuarunari, Fenocin, Confeniae tantanakuyta pushakkuna, ashtawankarin Consejo Nacional Electoral, Función de Transparencia tantanakuy pushakkunapashmi chayamurka, tukuykunami Mamallakta Tantanakuyta pushak, Virgilio Saquicela, kay rimanakuy kamachishkamanta kushiyarkakuna.
Leonidas Iza runaka kay 10 mañaykunatami riksichirka. Shinallatak 10 centavos cahnipi ashnakkuna mintalayta urichishka mana paktachu kan nirka, ashtawanpash 40 centavos cahnipi ashnakkuna mintalanataka churashpa sakina kan, shina extra US$ 2.10 shinallatak US$1.50 putpu diésel. Shinallatak llaktapak shukllapak kullkiwasikunaman mañashka kullkita kutichinapak shuk watakipa paktarinata mañarka, shinallatak kawsanapak charinakuna chaninatapash rikuranapakmi mañarka.
Ashtawanka kay decretos 95 y 151 kamachiykunata anchuchichun mañarka kaypika chukita punkarata llukshichinamantami rimakun. Shinallatak kayshuk yuyaykunataka wankurinakunapi rimanakuy ushanchikmi, nirkami .
Paymantaka, ministro de Gobierno, Francisco Jiménez runaka, runa ayllukuna atirinakuyta shinallatak tantarinakushkatapash mana ashayachinchikchu nirkami, shinallatak Llakta pushakpash mañashkataka chusku decretos ejecutivos kamachiywanmi kutichishkanchik, nirkami.
Nirkapashmi kay extra, ecopais shinallatak diesel ashnakkunata chaninapi 10 centavos urichinaka 226 hunu dólares kullkimi paktan; wakcha ayllukunapak yanapay bono de desarrollo humano mirachishka 70 hunu; hampina wasikunapi utkashpa yanapanapak arinishka 200 hunu; Ishkay shimipi yachaypak 2,2 hunu; urea tarpuna chukita yanapaypi 70 hunu; BanEcuador kullki wasimanta kullkita mañachinapak 37 hunu dólares kullki; tarpunapak kullki mañachinapak 200 hunu dólares. Tukuyta tantachikpika 805 hunu dólares kullki mañaykunata kutichinapakka kan, nishpami willarka.
Ashnakkuna mintalaypi 40 centavos chanita arinishpaka llaktapakka waranka hunu dólar kullkimi paktarinka, nirkami .
Tanto el Ministro de Gobierno como el Secretario General de la Administración Pública exhortaron a los dirigentes de la movilización indígena a levantar el paro, porque el país no puede continuar paralizado en razón de que se afecta al desarrollo nacional.
Kay 18H15 sayalla chishiman samana pachakunata hapirkakuna, kaypimi Ministro de Gobierno llankaywasi pushak Llakta pushakta taripankama harkarirkakuna.
Taripayta paktashka kipa, rimanakuyka 20H00 pacha tutami kutin kallarirka. Runa ayllukunapak tantanakuymantaka kullkita mirachinapakka manu kullkita mana chayachikkunata ashtawan chaparana nirka, kay atirinakuypi hapitukushka ayllukunata ama llakichichun, wañushka, chukririshka ayllukunapak wasi ayllukunaman yanapayta chayachichun mañarka. Shinallatak Patricio Carrillo runa kay Ministerio del Interior llankaywasita pushakuyka llaktayuk chaypikanapak mana allichu nirka shinallatak Llaktapak kayshuk llankaywasi pushakkunata Llakta pushak arinishka paktachun rikuranaman kayachirkakuna.
Kay ministro de Gobierno, Francisco Jiménez runaka, kay Circunscripción Territorial Amazónica wankuripak Killkakamayukwan kay antisuyu llakta ayllukunapak llakikunata yanapanapak llankay ushanchik chaypakka kamachiytami mushukyachina mutsurin nirka. Kay decretos 95 y 151 kamachiykuna anchuchinamantaka, llakta pushakka decreto 95 kamachiyta anchuchinapak arinin, punkara llukshinamanta rikukta shinallatak 151 kamachiyka, chuki llukshichinamanta, mushukyachishkami kanka nirka, shinallatak rimanakuyka 800 hunu dólares kullkitami paktashka. Achka pacha atirinakuyka sukta sayllakuna rimanakuypilla mana allichirinkachu, chaymantami tukuykuna makipurashpa rimanakunaman chayana kanchik nirkami.
Mamallakta Tantanakuyta pushak, Virgilio Saquicela, rimanakuyta puchukashpaka, Llakta pushakta, shinallatak Conaie tantanakuyta, shuktak tantanakuykunatapash rimanakuyman chayamushkamanta yupaycharka, kay rimanakuypi tukuy mutsushkata achiyachishpa riksichishkamanta nirkami. Shuyanchikmi kaya puncha tukuy Ecuador ayllukuna allikaypak kay llakikunamanta llukshishunpash nirka, Shinallatak Mamallakta Tantanakuyta pushakka kay Ley de consulta previa libre e informada kamachiy rurana killakta allichinapak arinirka.
Rimanakuyka kay awkarik puncha, 09H00 pacha tutamantami kutin kallarinka.
JLVN-PV/cg-k
Ashtawan shuyukuna:
