Mamallakta Tantanakuyta pushak, Virgilio Saquicela kamachi killkakka, Fiscalía Tantanakuypimi shuk huchachiyta kay voto electrónico llikapi 28 puncha raymi killapi llakikuna tiyashka nishkata taripay kallarichun chayachirkani, nirkami.
Mamallakta Tantanakuyta pushakka nirkami Antanikichiypi llankakkunami ninmi, kanchamanta IP yupaymantami kay karumanta llankana Anydesk llikapankaman yaykushka rikurin nishpa willarkakakuna shinallatak kay curul electrónica llikamanka mana yaykushka rikurichu nirka, shinallatak kamachi killkakunami yaykunapak shuti iñikkunataka wakichinkuna, shuktakkunaman chayachina mana usharishkatapashmi yachankuna nishpa willarka.
"Mamallakta Tantanakuy shinallatak kay wasipi llankakkunapash mana imata rikuna charinchu, kanchamanta yaykurishka shinami rikurin, chaymantami taripana mutsurin", Saquicela pushakk, Fiscalía tantanakuymi taripana kan, "Mamallakta Tantanakuy shinallatak Llatapash kasiklla kawsanapak" nirkami.
Saquicela pushakka Fiscalía tantanakuytami tukuykunata shinallatak Mamallakta Tantanakuypak killkakamayukta, tawka taripashkata achikyachinka, shinallatak TICS llankakkunatapash taripachun mañarka.
Mamallakta Tantanakuyta pushakka Fiscalía tantanakuy shinallatak kamayta pushakkunami kay taripaypi paktashkata riksichinka nirkami. "Panta rimarishpami shinallata willachik antakunata chakchuyanapak hapishkakuna; Fiscalía shinallak kamak pushakkuna taripakkunami achikyachina kan, tukuy yachakkunawan riksishpami taripankakuna" nirkami.
"Mamallakta Tantanakuypak llankayka pukllaypi mana urmay usharina kanchu. Kay huchachiy taripayka tukuy puchukankamami paktarina kan kaypimi yuyaywan shinallatak ruraywanpash wakllichikunata riksinkapak" nirkami.
Minkarishkakunata kipayashkakunapi llankashpa katinapak kayachirka, kay Consejo de la Judicatura tantanakuypi llankakkunata ñawinchinapak, Procuraduría General del Estado tantanakuy kay Consejo Nacional Electoral tantanakuyta llaktay ñawinchinamanta rimarishka kipa. shinallatak, “umachinalla willaykunata mashkashpa ama purikunkapak”.
MEV/pv/cg-k
