Mamallakta Tantanakuy kullka punchami Comisión Pluripartidista allichishka llankaywillayta riksinka

Martes, 12 de julio del 2022 - 12:14 Imprimir Elaborado por: Sala de prensa
Mamallakta Tantanakuy kullka punchami Comisión Pluripartidista allichishka llankaywillayta riksinka

Kay kullka puncha, 09h30 sayllata tutamanta, Mamallakta Tantanakuyta pushak, Virgilio Saquicela Espinoza, kayachishkamanta, tukuy kamachi killkakuna rimanakuymanmi Comisión Pluripartidista Ad Hoc Minkarishkapi allichishka llankaywillayta rinksinkakuna, kaypika Yeseña Guamaní kamachi killkakta Mamallakta Tantanakuypak Ishkayniki Kipa pushaymanta llukshichinapakmi rikuchin.

Kay wacha 9 puncha 2022 watami, Comisión Pluripartidista Minkarishka, 4 ari apushitaywan Jhajaira Urresta kamachi killkak, Mamallakta Tantanakuyta ishkayniki kipa pushakta huchachishkata taripashka llankaywillayta arinirkakuna, kay killkapika Ley Orgánica de la Función Legislativa kamachiypak 14, 56 niki killkata mana pakta rikushpa llankashka nishpa pushaymanta llukshichinapak mañan.

Yuyarinkichikmi, 18 puncha aymuray killa 2022 watami Jhajaira Urresta kamachi killkakka  Yeseña Guamaní kamachiy killkakta kay Ley Derogatoria del Decreto-Ley para el Desarrollo Económico y Sostenibilidad Fiscal tras la Pandemia Covid-19 kamachiy allichinata, Corte Constitucional tantanakuyta tapunaman kayachinapak harkachichun nishpa mañashkamanta huchachirka. Huchachikka, kayshina paktarishkamantami 87 punchakuna kipa allichirishpa katikun, Ley Orgánica de la Función Legislativa kamachiypak 56 niki killkapi rikuchishka 60 punchakuna ukupi mana paktarishpa, ninmi.

Shuktakpika, Kamachi killkakkunaka Estados Unidos llakta Ecuador llaktawan manu kullkimanta willaykunata makipurachinapak llankaywillaytami riksishpa kutinpash arininkakuna.

Kay yuyarinakushka killkawanka tukuy tiyashka willaykunata kikinpak kashkata rikurashpa achikllata chayachinatami sumaychanka. Kay willaykunaka Manu kullki pushakkunatami manu kullki chashkinata, tantachinatapash kay yuyarinakushka killkawanka paktarishun, nirkami.

BG/pv/cg-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador