Mamallakta Tantanakuytapi, chayamuk tukuy kamachi killkakunami, Estados Unidos llakta pushak, Ecuador llakta pushakwan manu kullki willayta makipuranapak shuk yuyarinakushka killkata arinirkakuna, kay kamachiyka istallaktakunawan mintalashkata pakta yachakapakmi yanapan.
Kay Istallaktawan yuyarinakushka kamachiyka 15 niki killkakunatami charin, willaykunata pakta makipurashpa chayachinapakmi rikuranka, willayta kikinpak kashkata chaparashpa pakallami chayachinka, kay willaykunawanka istallaktakunawan mintalashkamanta manu kullki chayachinata chaparanami, tantachinapi, mañanapipash pakta yanapanka.
Kay yuyarinakushka kamuka Istallaktawan makipuranata achiklla charinapak, utkashpa, allinta chayachinapakmi kan, ishkantik llaktakunapak manukullki tantachinatami sinchiyachinka, kayshina manukullkita ashtawan tantachinapak, shinallatak, kamachiypi rikuchishkata paktanapakṕash.
Luis Cervantes kamachi killkak, istallkatawan yuyarinakushka killkata riksichik, istallktawan manukullkimanta willayta makipuranaka allimi rikurin, Ecuador llakta chayachina tukuy kullkipi paktashka mana paktashkata achiklla riksishpa chayachinapak, nirkami.
Kunanpika, manukullki tantachishkata rikuranapak yanapak hayllimi kan, manukullkita chayachinapi rikuranka, shinallatak mana chayachiktapash chapanka, kunkariktapash harkanka, shinaka manukullki pakta chayachinapimi yanapan, mamallaktaman manu kullkita chayachinata ama kunkarinkapak, shinallatak willaychayachinapak mañashkata arinina mana ninapakpash riksichin, kashnami Cervantes kamachi killkak nirka.
Nirkami kay Ecuador llaktapika tukuy PBI llankaykullkimanta 7% paktsakmanta manu kullkitami kunkarinkakuna, nishpaka 7.600 hunu dolar kullkita. Nirkami kay yuyarinakushka killkapika Ecuador llakta Estados Unidos llaktawan manukullkimanta willaytami chimpanchinapak yanapanka shinallatak Mamakamachiypi istallaktakunawan makipurashpa llankana yuyaytami sinchiyachin, ninmi.
JLVN/pv/cg-k
Ashtawan Shuyukuna:
