Mamallakta Tantanakuypi, 83 ari apushitaywan, Yeseña Guamaní Vásquez kamachi killkakta, Ishkayniki Kipapushaymanta, Ley Orgánica de la Función Legislativa kamachiypak, 14, 56 niki killkata mana pakta katishpa llamkashka nishpa llukshichirkakuna, kamachiykuna ruranapak akllanamanta, kayshina paktarinamanka Comisión Pluripartidista Ad hoc Minkarishka allichishka llankaywillayta katishpa.
Llankaywillayta riksichishka kipa, Yeseña Guamaní kamachi killkakmi mitsarinapak hayñita paktashpa rimarirka. Kay huchachishka mañaypika allinta riksichik kamayta mana charinchu chaymantami Kipapushakta huchachishpa wanachinapak mañashka mana paktachu kan, kamachi killkakkuna hayñi paktachinata charinchik, mamakamachiy rikuchishka hayñikunawanmi waktarikun, ninmi.
Nirkapashmi huchachikka huña ima llankaypi pantarishkata mana achikyachishpa riksichirkachu. "Alli sumakchiwan, alli yuyaywan, kikin shunku kawsayka mana mintalanapak kashka yuyaywanmi rini", nirkami.
Paymantaka, huchachik kamachi killkak, Jhajaira Urresta, kutinpashmi nirka, Guamaní kamachi killkakka Decreto Ley de Desarrollo Económico y Sostenibilidad Fiscal kamachiyta anchuchinapak rurana kamachiyta akllanatami harkachirka paypak llamkay paktashkata wakllichishpa, nirkami. Kayshina rurashkamanta, kay kamachiy rurana killkaka chayachinapak punchakunata (60 puncha) yallishka 27 punchakuna kipa akllashka karka, nirkami.
Guamaní kamachi killkak llamkashkawanka Mamallakta Tantanakuy llaktata yanapana llankaymi harkarishka. Chaymantami, kay Consejo de Administración Legislativa (CAL) wankuripi llankakuna mana pakta llankashkata riksishpa allichinapak kallarishkanchik, shinallatak nirkami Mamallakta Tantanakuyka Llakta pushkapak ushaywan chimpapurashpa paktarinami mutsurin, nirkami.
Rimanakuy
Rimanakuypika 12 kamachi killkakunami chayarka, tawka wankurikunamanta shinallatak llaktaykunamantapash, paykunaka imashinalla Comisión Pluripartidista Ad hoc minkarishka imashinalla llankashkatami riksichirkakuna, imamanta huchachishkapi shinallatak mitsarishka willaykunapash chayashkata willarkakuna. Wanachinami nishpa mañakkunaka, tukuy paktarinatami katishkanchik shinallatak mitsarinapakpash hayñikunata rikurashkanchik nirkami.
Chaykamaka, Yeseña Guamaní kamachi killkakta yanapakkunaka Mamakamachiy rikuchishkamanta Corte Constitucional tantanakuyta tapunapak mañashpa yuyay chayachishkatami huchachikunkuna nirkami, Mamallakta Tantanakuypi yuyaypaktarina ñawpa, Mamallakta Tantanakuypi mana alli ruraymi sakirin, nirkakunami .
EG/pv/cg-k
Ashtawan shuyukuna:
