Kamachiy rurana killkakuna allichina imashinalla katikushkatami 15 Minkarishkakunaka kay 2022 -2023 watakunapak llamkayñan allichinapak riksichirkakuna, rimanakuytaka Mamallakta Tantanakuyta pushak, Virgilio Saquicela Espinoza kamachiy killkakmi pusharka, payka yuyachishpa nirkami CAL wankuripi llamkakkuna, wankuri pushakkuna, minkarishkata ṕushakkuna kipapushakkunawanmi mashna kamachiy ruranapak kamukuna chayashkata, shinallatak tukuy chayachishka kamukunamanta, mashnakunatak llamkaywillayta shukniki, ishkayniki rimanakuypak charishkata, washayashpa sakirishkatapash riksinapakmi tantanakurkanchik nirkami. Kay llamkayñanpika kullkillamkaymanta, hampinamanta, kasiklla kawsanamanta, sapsi hayñikunamanta kallaripi allichinapak churanka. Mamallakta Tantanakuyta pushakka, Johanna Moreira, Marcela Holguín, Alejandro Jaramillo, Lucía Placencia kamachi killkakunawanmi llaktayukunapak tantanakuykunapak yuyay chayachishkata imalla kamachiykunata shamuk killakuna allichinapak mañashkata uyarkakuna.
Mamallakta Tantanakuyka Llakta pushaktami yuyarishka killkata paktachun kayachirka
Mamallakta Tantanakuyka Llakta pushaktami kay Conaie, Feine, Fenocin tantanakuykunawan Acta por la Paz yuyarinakushka killkata katishpa paktachun kayachirka shinallatak llaktapak kayshuk llankaywasikunawan, llaktayuk tantanakuykunawan, runa ayllu tantanakuykunawanmi llaktapi kasiklla kawsanata paktanapakka makipurashpa llamkanami mutsurin nirkakunami. Shinallatak Conferencia Episcopal Ecuatoriana Tantanakuytaka kay yuyarinakushka killkamanta llamkanapak, shinallatak kay killkapak VI nikipi mañashkata rikunkapakka, Mamallakta Tantanakuyta pushakwan makipurashpa, wiñaypak minkarishkakunamanta shuk kamachiy killkata shutichishpa chayachichunmi mañarka, paykunaka kamachiy rikuchishkata katishpa shinallatak runa ayllukunapak 10 mañayta rikurashpami llamkanapak wankurinka nirkami.
Hampinapak, Yachaypakpash llamkaykullkita mirachinata shinallatak llamkaymanta llukshichinatami Mamallakta Tantanakuypi rimanakurka
Mamallakta Tantanakuyka shukniki rimanakuypimi Código de Planificación y Finanzas Públicas kamachiy mushukyachina killkata riksirkakuna, kay kamachiyka hampinapak, yachaypakpash llamkaykullkita mirachinatami yanapan. Chaypakka, kamachiyka kullki chayachinapakmi yupayta alliyachinka shinallatak mamakamachiypi rikuchishkata katishpa Producto Interno Bruto (PIB) tantachishkamanta 6%, 4% paktsaktami llamkaykullkita yachaypak shinallatak hampinapakpash chayachichun paktachichinka. Ashtawanka, Código del Trabajo sobre el Despido Ineficaz y la Indemnización Agravada en Casos de Despido Intempestivo kamachiy mushukyachina killkatapash shukniki rimanakuypi riksishpa kallarirkakuna kay kamachiywanka llamkaypi paktarikukta ama llukshichinata shinallatak llamkayman tikrachinapakpashmi rikuranka.
Mamallakta Tantanakuyka Estados Unidos llakta Ecuador llaktawan manukullki willayta chayachinapak makipuranka
Mamallakta Tantanakuyka Estados Unidos llakta Ecuador llaktapura manu kullki willayta chayachinapak yuyarinakushka killkata kutinpash arininkuna. Kamay killkawanka manukullki willayta makipuranakushpa pushanatami yanapanka, shinallatak istallaktapi mintalashkamanta manukullki pakta chayachishkata rikuranka. Kayshina kamachiywanka willaykunata kikinmanta kashkata rikurashpa ukllashpapish chayachinapi yanapanka, kayshinaka manukullki mashna kashkata yachankapak, riksinkapak, tantachinapak shinallatak kay kamachiypi rikuchishkata katishpa tantachinapakpash rikuranka.
Mamallakta Tantanakuy Yeseña Guamaní kamachi killkakta Ishkaniki kipapushakmanta llukshichirka
Mamallakta Tantanakuypi, 83 ari apushitaywanmi, Yeseña Guamaní Vásquez kamachi killkakta Ishkaniki kipapushaymanta Ley Orgánica de la Función Legislativa kamachypak 14, 56 niki killkapi rikuchishkata mana pakta rikushpa kamachiykunata akllanapak yuyaychayachinapi rikuchishkata mana katishpa llamkashka nishpa huchahchishkamanta, kay Comisión Pluripartidista Ad hoc Minkarishkapi allichishka llankaywillayta rikushpa llamkarkakuna. Kay yuyarinakushka killkataka Mamallakta Tantanakuy Pushakkunaman, Coordinación de Tecnologías de la Información, Coordinación de Talento Humano, Coordinación de la Unidad de Técnica Legislativa wankurikunamanmi tukuy mañashkata paktachinchun chayachirkakuna.
Pushak Virgilio Saquicela ayllullakta kitilli pushakkuna mañashkata chaskirka
Mamallakta Tantakuyta pushak, Virgilio Saquicela kamachi killkakka, Consejo Nacional de Gobiernos Parroquiales Rurales del Ecuador – Conagopare tantanakuy pushakkunawanmi rimanakurka, kay COOTAD kamachiy mushukyachinapak mutsurishkata yuyaykunatapashmi chaskirkakuna, kay killkataka Gobiernos Autónomos Minkarishkapimi allichikunkuna. Yilda Rivera, Conagopare tantanakuyta pushakka, Mamallakta Tantanakuyta pushak ayllullakta kitilli pushakkunapak mutsushkata uyanapak chaskishkamantami napayta chayachirka, shinallatak llamkayta makipurashpa apana allimi kan nirkami. Mamallakta Tantanakuyta pushakka Gobiernos Autónomos Minkarishkawan makipurashpa llamkanapak shuk wankurita wiñachishpa kay rimanakushkapi yuyaykuna tiyashkata allichichunmi yuyarirkakuna.
Kullki mañanapak, hayñikuna ukllanaman, mamakamachiy mushukyachinatami minkarishkakunaka rimanakurka
Kay Régimen Económico Minkarishkapi Bruno Segovia, Paola Cabezas, Vanessa Álava kamachi killkakkunami Código Monetario y Financiero kamachiy mushukyachinapak, shinallatak Ley para el Refinanciamiento y Facilidades de Pago en Créditos con el Sistema Financiero y No Financiero Nacional kamachiy mushukyachinapakmi yuyaykunata chayachirkakuna; kay llaktapi kullkipak rantiwan mintalanata shinallatak mintalay wasikuna kay llaktapi llamkakunata rikunapak mañaykunatami riksichin.
Kay Relaciones Internacionales Minkarishkapi Ley de Movilidad Humana kamachiy mushukyachinapak llamkaywillayta shukniki rimanakuypak arinirkakuna, kay kamachiywanka llaktapi shutichina paktarinata, shutichishka killakta anchuchikpi shinallatak ayllukuna llakta illaklla kakpi rikunapakmi kan.
Kay Enmiendas Constitucionales Minkarishkapika sumak yachaywasipi yachachik shinallatak Corte Constitucional tantanakuypi ñawpa yanapak Francisco Albuja runami yuyaykunata chayachirka, Mamallakta Tantanakuyka Llaktapi wata llankana kullki arininapi ashtawan kimirina yanapay charichun Mamakamachiy mushukyachinamanta.
Kay Niñez Minkarishkapika Código de Protección Integral de las Niñas, Niños y Adolescentes (Copinna) kamachiy mushukyachina killkapak Libro I niki killkakunatami arnirkakuna.
Kay Consejo de la Judicatura llaktay ñawinchiynata, pachamama mapayachishkata, hampikuna chayachinatami Ñawinchiy llamkaypi riksirkakuna.
Kay Fiscalización Minkarishkapika Viviana Veloz, Fausto Jarrín kamachi killkakkuna llaktay ñawinchiyta kallarichun mañaytami Consejo de la Judicatura tantanakuyta ñawpa pushak María del Carmen Maldonado; Fausto Murillo, Maribel Barreno, Juan José Morillo rimarik ayllukuna paykunapak llamkaypi mana pakta kashka nishpa huchachishkatami riksishpa akllarkakuna. Kayshina paktarinamanka Procurador General del Estado pushak killkata chayachishka kipa shinallatak Consejo Nacional Electoral tantanakuyta ñawinchinkapak mañashkata harkachishka kipami paktarirkakuna.
Kay Desarrollo Económico Minkarishkamanka El Oro, Loja markapi wasichishpa llamkakkunami chayamurkakuna, paykunaka kay Servicios de Rentas Internas tantanakuy wakllichishka shinami rikurin, yallishka kullkimantami panta panta yupashpa chayachinapak kullkika yallitak mirashka nirkunami. Minkarishkapi llamkak kamachi killkakkunaka kayta ashtawan riksinkapakka SRI tantanakuytami willayta chayachichun mañarkakuna.
Kay Biodiversidad Minkarishkamanka Ministro de Ambiente llankaywasi pushaktami kay Campo Drago 22, mecheros, wakllirishkalla pachamamata kay Cuyabeno kitipi tiyashkata, shinallatak chuki llukshichinapak yuyarinakushkatapash huchachishkamanta willanaman chayamurkakuna.
Kay Derecho a la Salud Minkarishkapika Servicio de Contratación Pública (Sercop) tantanakuy pushaktami ña ishkay kutinpash chillay 20 puncha sitwa killapak kayachirka, payka hampikuna zirma shutipanka ukupi hampikuna illashkata willachunmi kayachirkakuna, ashtawankarin wakcha unkuyta, mana riksishka unkuyta, ancha wakllichik unkuyta charikkunapak illashkamanta.
Kamachiy ruranapakka makipurashpa llamkanami hatun yuyay kan
Kay Gobiernos Autónomos Minkarishkapika Código de Organización Territorial, Autonomía y Descentralización (COOTAD) kamachiy mushukyachina killkapakmi mushuk yuyaykunatami marka, kiti, kitilli pushakkunamanta chayachishkata chaskirkakuna.
Ángel Maita, Patricia Sánchez kamachi killkakkunami Desarrollo Económico Minkarishkapi kay Ley Derogatoria del Decreto kamachiyta Ley para el Desarrollo Económico y Sostenibilidad Fiscal tras la Pandemia Covid-19 kamachiyta anchuchinapak willaykunata chayachinkakuna. Ashtawanka kay Juntas de Política y Regulación Monetaria y Financiera tantanakuy wiñachinamanta kay Ley para el Desarrollo, Regulación y Control de los Servicios Financieros Tecnológicos kamachiy ruranapi kimichinapakmi yuyaykuna riksichishkata uyarkakuna.
Kay Derecho al Trabajo Minkarishkamanka Jacqueline Vallejo, kay Asociación de Extrabajadores de la Cervecería Nacional S.A. tantanakuy pushakta shinallatak ministro de Trabajo llankaywasi pushak, Patricio Donoso runata chaskirka, kay rimanakuypika tawka watakunata waktarinakuy tiyashkata allichinapak yuyaykunatami riksirkakuna. Shuktakpika Comité de Empresa Único de Trabajadores de Servicios de Educación pushakkuna rimashkatami uyarkakuna.
Kay Código de Soberanía Alimentaria kamachiy rurana killka allichiyka tawka ayllukunwan makipurashpami ñawpakman katikun. Erika Escorza, runapak hayñita yachak shinallatak Carlos Castro, kamachiy ruranapi pakta llamkakukkunami, Soberanía Alimentaria Minkarishkapi yuyayta chayachirkakuna.
Minkarishkakunaka allí yanapaymanta, sumak yachaywasiman yaykunamanta, kashiklla kawsaymanta shinallatak mamakamachimantami rimanakurkakuna
Justicia Minkarishkapika Ley Notarial shinallatak Ley para la Especialización de la Justicia kamachiy mushukyachina killkatami Kamayta yachakkunawan riksishpa ñawpakman katikunkuna. Kay kutinka Xavier Palacios, Emilio Suárez, Geovanni Sacasari, Juan Carlos Cepeda, Francisco Guerrero shinallatak Damián Armijos runakuna, Derecho Civil, Procesal shinallatak mamakamachiymanta yachakkunami yuyay chayachirkakuna.
Educación Minkarishkapika, Ley de Educación Superior kamachiy mushukyachina killkata llamkaypika, yachana wasikunamanta chunka shuk ayllukunatami uyarkakuna, paykunaka llaktapak sumak yachanawasiman yaykunamanta, imalla mutsurishkamanta shinallatak pushakkuna mashna pachata llamkanamanta yuyaykunatami chaskirkakuna; shinallatak, yachayta pushakkunata akllanamantapash rimanakurkakuna.
Kay Soberanía, Integración y Seguridad Integral Minkarishkakunaka, Mamallaktapak kamakta, Defensoría del Pueblo, Ecuador llaktapi Kiti pushakkunata, Clínicas Jurídicas de la Universidad San Francisco de Quito tantarishkakunata shinallatak Observatorio Jurídico Social de la Universidad Espíritu Santo wankurishkatapashmi chaskirkakuna, paykunawanka Llakta pushak kay Ley que Regula el Uso Legítimo de la Fuerza kamachiyta allichinaman kutichishpa kachashkatami rikurkakuna. Shinallatak wichkana wasikunapi llakikunata chimpapuranatapash yuyarirkakuna.
Kay Participación Ciudadana Minkarishkapika Ley de Acción Social y Voluntariado en el Ecuador kamachiy rurana killkamantami rimanapakka. Luz Gutiérrez runa kay Voluntariado para la Ayuda Social – Ecuador tantanakuyta pushak; Mónica Rivadeneira, Fundación UBECI tantanakuyta pushakta; shinallatak, David Téllez, llakta willachik runatapashmi chaskirkakuna.
PV/cg-k
