Kay awkarik punchaka Mamallakta Tantanakuy kimsa kutinmi tantanakunka. Kallaripika 10H30 pacha tutamantaka Garantía, Promoción y Protección de la Libertad de Prensade Opinión, de Expresión y de la Comunicación kamachiy rurana killkatami ishkayniki rimanakuypi riksishpa katinka, kay kamachiywanka llaktayukkuna pakta kacharishpa rimanata shinallatak llaktayukkunata millashkata, wakllichishkata, wawakunapak kikin ukun aycha wakllichiytapashmi harkashpa ukllanka, shinallatak willachina antakunapi llamkakpak hayñikunatapash ukllanka.
Kipaka Ecuador llakta Tuquía llaktawan yuyarinakushka killkata kutinpash arininapakmi churashka. Chaywanka, llaktapura mintalanata, kullkillankayta shinallatak kullkiwan makipiranatapashmi mashkakukkuna; llamkaykunata shinallak ruraykunapak llamkayñantapash allichinapak, istallaktapura shukllapak llaktakunapakpash llamkaypi makipurankapak, Mamakamachiypi Istallaktapura makipuranapak rikuchishkata katishpami yuyaypaktarinkakuna.
Alli Hampina
Ishlayniki rimanakuyka 13H30 pacha chishipakmi kayachishka kan, kaypika Ley de Carrera Sanitaria kamachiy killkatami ishkayniki rimanakuypi riksinkakuna. Kay yuyarinakushka kamachiy ruranaka llaktapi hampishpa llamkak ayllukunapak hayñitami sumaychan shinallatak hampina yachak ayllukunawan pakta llamkayta charinapak shinallatak llaktayukta hampinapi alli alli yanapanapakpash.
Wasi charina hayñi
Kay llamkayka 16H30 pacha chishimi No. 784 niki rimanakuywan puchukanka. Kaypika Ley de Legalización de la Tenencia de Tierras a Favor de los Moradores y Posesionarios de predios que se encuentren en circunscripción de los cantones Guayaquil, Samborondón y El Triunfo-Monte Sinaí sí es Guayaquil kamachiy mushukyachina killkatami ishkay niki rimanakuypi riksinkakuna. LLaktayuk ayllukuna kawsanapak mamakamachiypi rikuchishka hayñikunata ukllashpa sumaychankapak, kay kuskapika 150 waranka ayllukunami kawsan shinallatak achka wakcha runakunami kan, kamachiywanka paykunata yanapanatami mashkakun.
Llamkaykullki pakta paktakana
Warmikuna llamkaypi kullki hampina paktana kanata, chayshinallatak llamkayta paktakushpaka llamkaykullkita pakta hapina shinallatak chikayachishka ruraykunata anchuchina, kaypimi Ley para la Igualdad Salarial entre Mujeres y Hombres kamachiy rurana killkawanka mashkakuna, shukniki rimaypimi riksishka kanka.
PV/cg-k
