Mamallakta Tantanakuy ukupími Asociación Ecuatoriana de Radiodifusión (AER) tantanakuyta pushak, Kléver Chica runaka, kay Ley para la Garantía, Promoción y Protección de la Libertad de Prensa, de Opinión, de Expresión y de la Comunicación kamachiy rurana killkapi paykuna mutsushkata churachun riksichirka.
Kamachiyka, kacharishka rimanata, llaktayukkunata millashkata, wakllichishkata shinallatak wawakunapak kikin kawsay llakichiytapashmi harkan, shinallatak willachik antakunapi llankakunapak hayñikunatapashmi ukllan, kay kamachiymantaka awkarik punchami rimanakuna karka, Shinapash, Marjorie Chávez, kamachi killkak, kay llaktapi mana kashkamantami rimanakuyka harkarirka.
Mamallakta Tantanakuyta pushak, Virgilio Saquicela Espinoza kamachi killkakka, kay rimanakuytaka kay hunkay kullka puncha llamkaypimi kimichishun nirkami.
Yuyachishpa nirkami radiodifusores llamkakkunaka, 1300 zirma wayrañanwan, mamallaktapika llamkaytami 20 waranka wasi ayllukunapak wiñachin, shinallatak espectro radioeléctrico zirma wayrañantapash kunanpi rakishkatallatak charichunmi mañarka, 10% llakta willachikpak, 34% ayllu llakta willachikkunapak, 54% shukllapak willachikkunapak.
Ishkaniki yuyaypika karuyachinapak hillaykunata, antanikichiktapash istallaktamanta apamunapak manu kullkita ashayachichun mañarka, kayshina mushuk antanikichikta ashayachishka chanipi apamunapak, nirka.
Puchukaypika, wayra zirma willachinapak chaskillay tiyakun allpakunata ñukanchikpak shutichinapak mañarka, kay willachiyka mana chanishka yanapay kashkamanta. Kacharishka rimanakuyta shinallatak riksinatapashmi ukllashun, nirkami.
PV/cg-k
Ashtawan Shuyukuna: