Mamallakta Tantanakuypika kay Ley para la Igualdad Salarial entre Mujeres y Hombres kamachiy rurana killkatami shukniki rimanakuypi riksishpa kallarirkakuna, kamachiywanka llamkaykunapi kari warmikunapash chayllatatak rurakpi pakta pakta mana chikanayachishpa kullkita chayachinapakmi, kayshina llamkaypi tukuykunami chayshinallatak kan nishkata paktachinapak.
Kay No. 784 niki rimanakuy kutin kallaripika, tukuy kamachi killkakunami Karina Ponce Silva,Colectivo de Mujeres por la Equidad de Género y la Autonomía wankurimanta minkarishkata uyarkakuna, payka kari warmi ayllukunami pakta pakta llamakay kullkitaka chaskina kan nirkami. Kunanpika warmikunaka 23% patsakmanta urimanmi karikunawan chimpapurakpika kan nirkami. Mamallakta Tantanakuymi kay chikanyashkata anchichuna kan shinallatak kay kamachiyta arinishka kipaka shuk taripayta paktachinapak mañarka.
Shuktakmantaka, Alison Vásconez, Programa ONU Mujeres wankurimanta minkashka warmika kari warmipura llamkaykullki chaskinapi chikanyashkatami ashayachinapak kayachirka, Mamallakta Tantanakuyka kay kamachiyta arininatakmi kan, nirkami.
Kay Derecho al Trabajo Minkarishkapi allichishka killkata riksishka kipaka, Mamallakta Tantanakuyta pushak, Virgilio Saquicela kamachi killkakka, kay rimanakuyta harkachirka, shamuk punchakunami rimanakushpa kutin katinkakuna.
JLVN/pv/cg-k
