Marcela Holguín, Darwin Pereira Mamallakta Tantanakuy Kipapushak akllarirkakuna

Viernes, 22 de julio del 2022 - 21:18 Imprimir Elaborado por: Sala de prensa
Marcela Holguín, Darwin Pereira Mamallakta Tantanakuy Kipapushak akllarirkakuna

Mamallakta Tantanakuypi Marcela Holguín Naranjo (UNES), Shukniki kipapushak; Darwin Pereira (PK), Ishkayniki Kipapushak; shinallatak Esteban Torres Cobo (PSC), Consejo de Administración Legislativa (CAL) wankuripak Shukniki rimarikmi aymuray killa 2023 watakama llamkayta puchukanapak akllarirkakuna. Apushiyta paktashpa kipami, Mamallakta Tantanakuyta pushak, Virgilio Saquicela, mushuk pushakkunata llamkaypi kallarichirka. Mushuk llamkaypi kallarina ñawpaka llaktaymanta chikanyashka yuyayta rakirishpa Ecuador llakta shinallatak llaktayuk ayllukuna mutushka kamachiyta makipurashpa ruranaman kayarirkakuna.

Monte Sinaí kushkapi kawsakuk allkpayukkuna ñami shuk kamachiyta charin

Mamallakta Tantanakuyka ishkayniki rimanakuypimi kay Ley de Legalización de la Tenencia de Tierras a favor de los Moradores y Posesionarios de Predios que se encuentren en la circunscripción de los cantones Guayaquil, Samborondón y El Triunfo – Monte Sinaí sí es Guayaquil shuti kamachiy mushukyachina killkata ishkayniki rimanakuypi arinirkakuna, kamachiyka kay kuskapi kawsakuk ayllukunapakmi allpata kikinyachinapi yanapan. Chaypakka llaktayukkuna chaypachallatak allpamanta shitirichunmi rikuchin, chasnallatak Guayaquil, Samboromdón kitikunapi ayllukuna kawsanapaklla shutichinapak kunanpi charikukmanta anchuchin, ashtawankarin allpata katunapak, tikikunapi kawsakuk charikukpak shutiman yallichinapakmi tukuy kay llaktayukkuna kuskakunata, tantanakuykunata, wasikunatapash rurashpa kawsakuk ayllukunaman yanapan.

Kay Comunicación kamachiy mushukyachina killkata ishkayniki rimanakuypi arinirka

Mamallakta Tantanakuy kay Ley de Comunicación kamachiy mushukyachina killkata ishkayniki rimanakuypi arinirkakuna. Mushukyachishka kamachiywanka wayrapi zirmañanta pakta rakinapak, willachishpa llamkakpak hayñikunata ukllanapak shinallatak willachina antakunapi kacharishka yuyaykunata chayachina mashkanapak, chaskinapak hayñukunata sumaychanapakmi yanapanka. Kamachiy ruranapak llamkaywillaypika willachik antakunamanta llaktayukpak hayñikunata wakllichishka rikurik yallikpi mitsarinapak hillaykunata paktarichun shinallatak Mamakamachiypi ukllashka ayllukunapak shutita, sumakchachun rikuranapakmi yanapan, ashtawankarin llaktamanta hatun yuyaykunata rikurashpa katinatapashmi yanapan. Llaktayukman willachishpa llamkak wasikuna paykunapak hatun yuyaykunata, runapak hayñikunata rikurashpa llamkachunmi rikuchin.

Watan watanmi 25 punchata Día de la Mujer Afroecuatoriana shutiwan riksinka

Mamallakta Tantanakuypimi 25 puncha Sitwa killata watan watan Día de la Mujer Afroecuatoriana – Negra – Afrodescendiente shutiwan riksinapak arinirkakuna, shinami kay llaktayukkuna manallakta wiñachinapak makipurashkamanta, kikin kawsaytarpuyta shinallatak allí kawsanapak hayñikunatapash sinchiyachinapak riksirkakuna. Kay yuyarinakushka killkawanka sapsi hayñikunata istallakta hillaykunapi chayachinapak, hapinapak, arininapak, riksichinapak, rikuchinapak, kuyuchinapakmi yanapanka. Ashtawan shuktak llamkaypika watan watan kay 31 puncha sitwa killata Día Nacional del Administrador Público shutiwan riksinapak arinirkakuna, kayshina llamkakta riksishpa sumaychanapak.

Ecuador llakta Turquía llaktawan Mintalanapak yuyarinakushka killkata kutinpash arinirkakuna

Kay Ecuador llakta Turquía llaktawan makipurashpa Mintalanapak yuyarinakushka killkata Mamallakta Tantanakuypi tukuy kamachi killkakunami kutinpash arinirkakuna, kay hillayka istallaktapura makipurashpa mintalanatami ashtawan kuyuchinka sinchiyachinkapash, shinallatak Ecuador llakta Europa llakta suyuman kimirichunmi chayachinka. Shinami kay yuyarinakushka killkawanka ishkantik llaktapura Mintalayta mirachinapak llamkayñankuna allichinapak, ruranapak yanapanka. Kay yuyarinakushka killkawanka ishkantak llaktakunami mintalaypi, kullkillamkaypi makipuranka, ashtawanka mushuk mintalaykunata mirachinapakmi rikuranka, Turquía llakta Europa, Asía suyukuna chawpipi kashkamanta.

Ecuador, Perú mamallakta suyu kitikuna makipuranapak shuk Yuyarinakushka Killka ruranapimi Virgilio Saquicela pushakka rikukukshina suti aspinka

Mamallakta Tantanakuyta pushak, Virgilio Saquicela, kay Celica kiti pushak, Oswaldo Román aylluta chaskirka, paymi kay Ecuador llaktapak kullasuyu kitilli pushakkuna shinallatak Perú llakta chinkaysuyu kitilli pushakkunawan shuk Yuyarinakushka killkata shuti aspinapak hatun rikukshina chayachun kayachirka. Virgilio Saquicela kay “Celestial Celica” shutiwan riksishka kitiman chayanapak arinirkami, kay 13 puncha karway killa 2022 wata, 12H00 sayllipimi yuyarinakushka Hatun killkata arininkakuna. Shuktakpika parlamentaria andina, Cristina Reyes runatami chaskirka, payka Mamallakta Tantanakuy pushaypi allí kachun munayta chayachishka kipaka, Antis suyu llaktakunapi makipurashpa llamkanapak yanapachunmi mañarka. Kay rimankuypika Ecuador llaktata yanapanapak, suyu llaktapura llamkayta shukyanchinapakmi arinirkakuna.

Hampina alli charinata, llamkaykullki paktakanatami Mamallakta Tantanakuypi rimarirkakuna

Mamallakta Tantanakuypika Ley de Carrera Sanitaria kamachiy rurana killkatami ishkayniki rimanakuypi riksirkakuna kay kamachiyka llaktapi hampishka llamkakkunapak hayllikunata sumaychan shinallatak hampikkuna alli yanapayta llaktayukman chayachichunmi munachin. Kay kamachiyka hampina yachakkuna ashtawan munaywan llamkachunpash kayachin. Shuktakpika, Ley para la Igualdad Salarial entre Mujeres y Hombres kamachiy rurana killkatami shukniki rimanakuypi riksirkakuna, llamkaypi kari warmipura kullki hapina ama chikanyashka tiyachunmi mashkakuna, shinallatak chayshinallatak llamkaykunata rurakpika chashinallatak chanishka kachunmi mashkakun.

Mamallakta Tantanakuypika makupurashpa llamkaymi hatun yuyay kan

Runa ayllukuna, paklla runakuna, ayllu llaktakuna, afroecuatoriano ayllukunami Atuntaqui kiti, Imbabura markaman chayarkakuna, kaypika Código para la Protección y Garantía de los Derechos de Comunas, Comunidades, Pueblos y Nacionalidades kamachiy rurana killkapak yuyaykunatami chayachirkakuna, kay kamachiyka llaktayukpak anchami mutsurin nirkakunami.

Kay Derecho a la Salud Minkarishkakunaka 12 wankurikunapi rakirishpami Ley del Deporte kamachiy rurana killkata allichishpa kallarinkuna. Llamkayka Quito llaktapimi deporte de alto rendimiento shinallatak deporte adaptado pukllayta riksishpa kallarirkakuna. Shuktakpika, Servicio de Contratación Pública tantanakuyta pushakwanmi llaktapak hampina wasikunaman hampikunata chayachinapak imalla ruraykuna paktanamanta rimanakurkakuna.

Kay Biodiversidad Minkarishkamanka Corporación de Avicultores del Ecuador tantanakuyta pushakkuna chayamurka, paykunaka Código del Ambiente kamachiy mushukyachina killka kitipi kawsak wiwakuna allí kawsayta charichun hayñikunamanta rimanakurka. Shinallatak kay Código Ambiental kamachiy mushukyachinata riksishpa kallarirkakuna kay kamachiywanka Wanachina pakta pakta chayanatami allitak rikunka nirkami.

Kay Seguridad Integral Minkarishkaman tawka llamkak ayllukunami chayamurka, paykunaka Ley que Regula el Uso Legítimo de la Fuerza y el proyecto Código de Seguridad Integral kamachiy rurana killkamantami rimanakurkakuna. Ministro del Interior llamkaywasita pushak, payka, kay watapak ishkaykutin kimsa killakunapi llamkaykuna paktashkatami, Código de Seguridad Pública y del Estado kamachiy rikuchishkamanta willarka.

Kay hunkaypika Llaktayuk atirinakuypi Chapakkuna llamkashkata shinallatak Machalla kiti yakumantami ñawinchirkakuna

Llaktayukkuna puchukay atirinakuypi Chapakkuna paktarishkata shinallatak runapak hayñikuna wakllichishka nishkata shinallatak sumak yachaywasikunapak kikin llankaymanta, chawpi yachaywasi, sumak yachaywasikunapi ushayta yallitak chayachishka nishkatami, Educación Minkarishkapi Ministro del Interior llamakaywasi pushak, ECU 911 tantanakuy pushakwan, yachakuk wankuri pushakkunawanpash rimanakurka.

Ministro del Interior llamkaywasi pushak, Patricio Carrillo runami, Justicia minkarishkapi ñawirirkakuna, paykunami Policia Nacional chapakkuna kay 18 punchakunapi runa ayllukuna llaktayuk atirishkapi imashinalla chimpapurashkata riksichinapak ñawirirkakuna. Llaktayukta wakllichiyka mana tiyarkachu nirkami, yaykurik ayllukuna llakichishkata chikanyachishpa riksinami mutsurin nirka. Kamachi killkakkunaka llankaywasita pushakkunatami Llakta pushak umachinkachina llakichiymanta atirinakuyman yanapanapak chayashka nishpa huchachishkata achikyachichun mañarkakuna.

Kay Desarrollo Económico Minkarishkapika Ley de Tránsito kamachiy paktashkata rikushpa katikunkuna. Chaypakka Agencia Nacional de Tránsito tantanakuy pushaktami Ecuador llakta ñankunapi kasiklla purinata sumaychapal imalla llamkaykuna paktakushka willashkata uyarkakuna.

Kay Transparencia y Participación Ciudadana Minkarishkapimi Ministro de Salud Pública llankaywasi pushak shinallatak Agencia de Regulación y Control Sanitario (Arcsa) tantanakuymanta minkashka ayllupash Machala llakta upyana yakupi arsénico chuki yallitak mirashkata allichinapak llamkakushka willashkata uyarkakuna.

Charishka pakaymanta, Mikuna unanchaymanta, llaktakuna wiñarinamanta rimanakuymi Minkarishkakunapak llamkaypi karka

Kay Desarrollo Económico Minkarishkapika Ley para el Desarrollo Económico y Sostenibilidad Fiscal tras la Pandemia COVID19 kamachiyta – Anchuchinapak kamachiy rurana llamkaywillay killkatami shukniki rimanakuypi arinirkakuna. Minkarishkata pushak, Daniel Noboa kamachi killkakka, Llakta pushakta chimpapurarka, kay kamaywan chani kullkimanta shinallatak punkara mintalashkamanta chayashka kullkiwan llaktapi hampinapi shinallatak mutsurik yanapayta allichinapipash mana chayachishka nin.

Kay Régimen Económico Minkarishkapika, Marco Manotoa, Unidad de Análisis Financiero y Económico (UAFE) tantanakuymanta minkashka runaka Ley de Prevención de Lavado de Activos en el Fútbol Ecuatoriano kamachiy rurana killka mutsurishkatami riksichirka. Shinallatak yachakkunawanmi Petroecuador EP tantanakuy punkarata mintalanapak kamachiyta rikurkakuna.

Runa ayllu kitillikunaman llamkaykullki mirachinatami Consejo Nacional de Gobiernos Parroquiales Rurales del Ecuador tantanakuyta pushak, René Lucero runa, kay Gobiernos Autónomos Minkarishkapi, Código Orgánico de Organización Territorial, Autonomía y Descentralización (Cootad) kamachiy killkamanta rimakuy ukupi riksirkakuna.

Kay Soberanía Alimentaria y Desarrollo del Sector Agropecuario y Pesquero Minkarishkakuna yachakkuna yuyay chayachishkata chashkirka, kay Código de Soberanía Alimentaria kamachiy rurana killkamanta llamkaywillayta shukniki rimanakuypi rimanakurkakuna.

Hayñikuna ukllanapi, yachayta sinchiyachinapipashmi llamkarkakuna

Minkarishkapika kay Código Orgánico kamachiypak Libro II kamupak 20 niki killkakunatami kay ayllukunata yanapanapak arinirkakuna. Shuktak yuyaykunapika, arinishka killkakunaka kari warmi wawakunawan, imillakunawan kawsanapak, wasi aylluwan paktarinapak, imalla ruranapak shinallatak yana mama imalla ukllaykunawan paktanapakpashmi rikuchin.

Kay Ley Orgánica de Educación Superior kamachiy mushukyachina killkata allichinapi, Educación Minkarishkakunaka Consejo de Educación Superior tantanakuy pushakkuna akllarinapak yuyaykunata, ruranapak, mushuk antakunapi yachanapak yuyaykunatapash chaskirka. Kay kutinka Senescyt, CES, Caces tantanakuy pushakkunata, yachaywasi pushakkunata, yachachikunata, yachakukkunatapash chayachirka.

Kay Relaciones Internacionales Minkarishkapika Ley de Movilidad Humana shinallatak Ley contra la Trata de Personas y el Tráfico Ilícito de Migrantes kamachiykuna mushukyachinapak llankaywillayta allichishpa katikun, ashtawanka Día Mundial contra la Trata de Personas punchata yuyarinapakpash allichishpa katikunkuna.

Kay Derecho al Trabajo Minkarishkapika Ley del Banco del Instituto Ecuatoriano de Seguridad Social (BIESS) kamachiy mushukyachina killkata riksirkakuna. Kamachi killkakkunaka kay tantanakuyman kimirishka ayllukunaman, samakuk ayllukunamanpash yanapayta allí chayachinapakka kullkita, hampikunata, hampinapi yanapaykunatapash chayachinapak sumaychana mutsurishkata rimarirkakuna.

PV/cg-k

Av. 6 de Diciembre y Piedrahita · Teléfono: (593)2399 - 1000 | Quito · Ecuador