Mamallakta Tantanakuyta pushakka 487 watakuna Guayaquil wiñarishka raymiman chayarka

Lunes, 25 de julio del 2022 - 20:20 Imprimir Elaborado por: Sala de prensa
Mamallakta Tantanakuyta pushakka 487 watakuna Guayaquil wiñarishka raymiman chayarka

Mamallakta Tantanakuyta pushak, Virgilio Saquicela Espinoza, kay 25 puncha Sitwa killa, tawka raymikunapi shinallatak llaktayukkunawanmi, Santiago de Guayaquil kiti wiñarishika 487 watakuna paktashkamanta shinallatak 81 watakuna kay Jambelí awkanakuymanta paktashka yuyarinakuypi karkakuna.

Kay tutamanta uktami, Mamallakta Tantanakuyta pushak, achka llamkaykunaman chayarka. Kallaripika, Complejo Cívico Naval Jambelí kuskapi shuk sisa llawtuta sakinaman chayarka, Jambelí awkanakuypi sinchita shayarishpa mishashkamanta.

Kipamanka, General de la Fuerza Naval, contralmirante Brúmel Vásquez Bermúdez kayashkamanta, kunka pushak shukniki watakuna  Batalla de Jambelí awkanakuy shinallatak Día Clásico de la Armada del Ecuador hatun puncha raymiman chayarka, Guayaquil llaktapak shuktak llamkaywasi pushakkuna, chapak llamkaywasikuna, llaktapak llamkaywasikunapash chayarkakuna.

Tutamanka, Ilustre Municipalidad de Guayaquil kay 478 watakuna wiñarishka paktashka hatun rimanakuyman chayarka, kay rimanakuyka Parque Centenario pampa,  Boulevard 9 de Octubre shinallatak avenida Lorenzo de Garaycoa kuskapimi paktarika, kitipak chapimanmi sakirin.

Raymimanka, Llakta pushak, Guillermo Lasso Mendoza chayarka, shinallatak Guayaquil kiti pushak, Cynthia Viteri Jiménez, kari warmi Guayaquil llakta ayllukunaman napayta chayachirka, shinallatak paypak llamkashkatapash llaktayukman riksichirka.

EG/pv/cg-k

Ashtawan shuyukuna:

 

SESIÓN SOLEMNE DE LA ILUSTRE MUNICIPALIDAD DE GUAYAQUIL. GUAYAQUIL, 25 DE JULIO DE 2022

 

Av. 6 de Diciembre y Piedrahita · Teléfono: (593)2399 - 1000 | Quito · Ecuador