Mamallakta Tantanakuymanta yachachikkuna mañashkata kutichin. 160.906 yachachikkunami Ley Orgánica de Educación Intercultural (LOEI) kamachiy mushukyachishkawan yanaparinka, llamkay kullki hapinamanta shinallatak llamkay paktarinamantapash, kamachiy kipukpi willachishka kipa.
Kay kamachiy killkataka Mamallakta Tantanakuymi yachaypi kimirishka ayllukunawan, llaktapak shukllapak llamkay wasi pushakkunawanpash wankurikunapi rakirishpa tawka kutin tantanakuypi sinchiyta makipirashpa llamkashpi allichirkakuna.
Kay kamachiyka llaktapak yachachikpak llamkaykullkika paykunapak minkashkapi llamkashkamanta pakta paktami kana kan ninmi, chaypakka yachashkata, yachashpa katishkata, imashina llamkakushkata, yachaypi paktarishkata, minkashkata katishkata, wiñayta riksishkatapash rikurashpami paktarinka. Killa llamkaykullkitaka Escala de Remuneraciones Unificadas del Sector Público paktarinapi rikurashpami chayachinka.
Shinami rikuchishkawanmi, yachachikpuna shinallatak llaktapak llamkakwanpásh killa llamkaykullkita chunka patakunapi rakishpa chaskinka A kallarishpa, kayka servidor público 9 yupaywanmi paktarin; J killkakama, ashtawan uriman; servidor público 1 llamkakwan paktarishpa.
PATAKUNA |
KUNANPI KILLA LLAMKAYKULLKI |
MUSHUK LLAMKAYKULLKI |
MIRACHISHKA (+) |
Categoría A |
$ 1.676,00 |
$ 2.034,00 |
$ 358 |
Categoría B |
$ 1.412.00 |
$ 1.760,00 |
$ 348 |
Categoría C |
$ 1.212,00 |
$ 1.676,00 |
$ 464 |
Categoría D |
$ 1.086,00 |
$ 1.412,00 |
$ 326 |
Categoría E |
$ 986,00 |
$ 1.212,00 |
$ 226 |
Categoría F |
$ 901,00 |
$ 1.086,00 |
$ 185 |
Categoría G |
$ 817,00 |
$ 986,00 |
$ 169 |
Kamachiyka Llakta Pushakta 90 punchakuna ukupi tukuy llamkaykullkita kallarichichun chimpapurachunpashmi rikuchin, shinallatak Presupuesto General del Estado wata llankaykullkipipash churachunami mañan.
BG/pv/cg-k