Llaktayukkuna rikukukpi, Kamachi Awlli wasipak Juan Montalvo kanchapampapi, Mamallakta Tantanakuyta pushak, Virgilio Saquicela Espinoza, Llaktayukkuna, Llaktamanta tantanakuykuna, chawpi yachay tukuchik wamrakuna, llamkakun samakuk chapakkuna chayamushkawanmi, Universidad de Seguridad Ciudadana y Ciencias Policiales Sumak Yachanawasi wiñachinapak yanapayta chayachirkakuna, llaktapak hatun yachana wasika Ecaudor tukuy llaktayukkunami kasiklla kawsanapi chaparanapak yanapanapak yachachinata mashkakun.
Kay kamachiy rurana killkaka Mamallakta Tantanakuypi shukniki rimanakuypi riksinakuy llamkaypimi paktarikun.
Rocía Guanoluisa, Educación, Ciencia, Tecnología, Innovación y Saberes Ancestrales Minkarishkata kipapushak, kamachiy rurana killkata allichik, llamkaywillayta riksichik, kay kamachiyka llaktapi mutsushkatami kutichin shinallatak allichinapak paktaykunatapash chayachin nirkami, yachaymankataka, Ecuador llakta ayllukunata llakichikunata chimpapuranapakmi kan, nin. Kay kamachiyka waranka waranka chawpi yachayta tukuchik wamrakuna sumak yachanawasiman mana yaykuna ushashkatami yanapanka, nirkami.
Educación Minkarishka llamkashkata, llaktayukmanta yuyaykuna chayachishkata, Policia Nacional Tantanakuy pushakkuna, Llakta pushakkuna, yachayta rikukkuna, kullki llamkaypi pushakkunapash llamkaykullkita chayachinapak yuyaykuna chayachishkamanta yupaycharkami.
Paymantaka, Fausto Salinas, comandante General de la Policía pushaka, llaktayukmanta wiñarishka kamachiy rurana killkami kan nirkami, alli llaktata charinapak mushuk hillaykunatami chayachinka nirka, ashtawankarin llaktata pakta chayanapak rikuranapakpash sinchiy yuyaykunata chayachinka, nirkami, kayshina yachaykunawan paktami llakichikkunata chimpapurashun, kay llakikunami kunanpika llaktayukta shustarishpa kawsakun nirkami.
Salinas runaka Llakta kawsayta rikunapi yachachik wasita charishpaka, Policia Nacional tantakuypak llamkaywasita, shinallatak kikin llamkaytami ashtawan sinchiyachishun nirkami, kaypi llamkakkunata yachayman pakta chayachishpa, nirkami.
Chaykamaka, Mamallakta Tantanakuyta pushak, Virgilio Saquicela Espinoza, Mamallakta Tananakuyka Ecuador llakta ayllukuna mutsushkata kutichinapimi llamkakun shinallatak mañaykunata riksinapipash paktarikun, chaymantami wamrakuna sumak yachanawasiman yaykunapak yachayta chaskinapak yanapanka, nirkami.
Saquicela agradeció por la presencia de centenares de jóvenes, líderes barriales, colectivos ciudadandos, policías en servicio activo y pasivo, en respaldo al trabajo de la Asamblea Nacional. “Nuestro compromiso es con el Ecuador, nuestro compromiso es con ustedes”, concluyó
Saquicela kamachi killkakka patsak patsak wamrakuna, kitipi pushakkuna, llaktayukkuna, llamkakuk samakuk chapakkunapash Mamallakta Tantanakuypak llamkayta yanapanaman chayamushkamanta yupaycharka. "Ñukanchikka Ecuador llaktapak, kikinkunapakmi pakta llamkakunchik", nishpami puchukarka.
EG/cg-k
Ashtawan Shuyukuna:
