Llaktayuk kasiklla kawsanata rikuk shinallatak runakunata yachachinapak yuyaywan, llaktapak llamkaywasita, chikanyashka llamkaywasilunata shinallatak yanapay ruraykunata rikukkunapak yuyaywan, ashtawankarin kasiklla kawsanapi yachachinapakmi churashkami kay Ley de creación de la Universidad de Seguridad Ciudadana y Ciencias Policiales kamachiy rurana killkapi churashkata hatun yuyaykunata Mamallakta Tantanakuy shukniki rimanakuypi riksinkunkuna.
Kay rimanakuytaka Educación Minkarishkapi allichishka llamkaywillayta katishpami paktarirkakuna shinallatak allichinapakka llaktayukkuna, Ministerio de Gobierno, Interior shinallatak Finanzas llamkaywasimanta pushakkunapashmi chayamurkakuna; ashtawanka Policía Nacional, Consejo de Educación Superior (CES) shinallatak Consejo de Aseguramiento de la Calidad de la Educación Superior (CACES) tantanakuy pushakkunatapashmi yuyaykunata chayachirkakuna.
Kamachiy rurana killkapika, kay sumak yachanawasika Quito llaktapimi kanka shinallatak Licenciatura en Investigación Criminal y Forense; Licenciatura en Gestión de Seguridad Ciudadana; y, Licenciatura en Inteligencia Estratégica y Prospectiva kimsa yachaykunawanmi kallarinka.
Kay awkarik puncha llamkaypika pusak kamachi killkakkunami rimarirka, paykuna yachaywanmi wakllirishka kawsaymanta llukshishun nirkakunami shinallatak yachaytapash sinchiyachishun, wamrakunamanpash sumak yachana wasiman yaykuchun yanapashun ashtawankarin sumak yachana wasikuna llamkanapak kullkitapash chayachinata sumaychashun kay puchukay watakunapika US$ 1.656 hunu kullkimanta US$ 1.169 hunu kullkiman ashayashka rikurin, ninmi.
Shinallatak kay sumak yachana wasika, kasiklla kawsana yachaywan paktari ushanka nirka, Policia tantarishkallata mana yanapanchu; chapakkunata yachachina shinallatak kasiklla kawsanapak ushaytapash yachaykunawan sinchiyachinami mutsurin, kayshina llaktapi llakikunata chimpapurankapak, nirkami.
Antisuyu llakta ayllukunapash Sucumbíos, Orellana, Morona Santiago shinallatak Zamora Chinchipe markakunapi sumak yachana wasikuna wiñachinatami mañarkakuna, kay mañayka Ley Especial Amazónica kamachiypi rikuchishkami kan.
Llaktayukkuna Chaskina
Kay Federación de Estudiantes Universitarios del Ecuador tantanakuyta pushak, Erick Barba runaka, Policia ayllukunapash alli sumak yachayta mutsushka kashpapash, kay pachakunapika Ciencias Policiales y Seguridad Ciudadana en la Facultad de Jurisprudencia de la Universidad Central sumak yachana wasipi tiyanmi, kaypi yachakukkunaka kay Ley de Educación Superior kamachiywan paktami ukllarin shinallatak shuklla aychana wasipak kasiklla katina yuyayman mana kimirinkunachu, nirkami.
Rimanakuyka shamuk punchakunami kutin katinka, Mamallakta Tantanakuyta pushak, Virgilio Saquicela Espinoza, kay rimanakuyta harkachishkamanta.
PV/cg-k
