Mamallakta Tantanakuypi 10 puncha karway killa 1809 wata Shukniki Atirinakushpa Kaparinakuy 2013 watakuna paktashkata yuyarishpami sumaycharka. Pabel Muñoz kamachi killkak, Pichincha markamanta, kay puncha wiñaykawsaypak hatun yuyarina kashkatami hatunyachishpa willarka, Ecuador llaktapi, Abya Yala Suyu llaktapipash kari warmi kishpirishpa kawsak ayllukunapak hatun punchami, kay hatun yuyaykunaka watan watanmi wiñarishpa 24 puncha aymuray killa 1822 wataman chayachirka, kay punchami Real Audiencia de Quito pushaymanta kishpirishpa, kuna Ecuador llaktaman chayachirka nirkami. Shinallatak, Virgilio Saquicela pushakka, kay 10 puncha Karway killaka Ecuador llaktapak, Abya Yala Suyu llaktapakpash kari warmi kishpirishpa kasana mashkay kapariytami kallarichirka, llaktapak wiñaykawsaytami sinchiyachirka, shinaka “Kishpirinapak shukniki atirinakuy kaparilla”, mana kanchu, ashtawanpash hatun yuyay mirariymi kan, llakta ayllukuna kishpirishpa kawsanapak yuyayta sinchiyachiymi kan, nirkami. Ashtawankarin, Mamallakta Tantanakuyta pushakka Kishpirishka Atirinakuypi paktarik ayllukunapak shutita yuyarishpami shuk sisa llawtuta churarka shinallatak Escuela Militar “Eloy Alfaro” awkakuna raymimanpash chayarka.
Mamallakta Tantanakuy Superintendente de Bancos pushakta llamkaypi kallarichirka
Mamallakta Tatanakuyta pushak, Virgilio Saquicela, kamachi killkakka, Raúl González runatami superintendente de Bancos tantanakuy pushanapi, mamakamachiypi shinallatak kamachiykunapipash paktarishpa llamkaypi kallarichirka. Gonzales Carrión runaka, llikapankaman chayashpa chaskirka, paytami Consejo de Participación Ciudadana y Control Social (Cpccs) tantanakuy, kay yallik 20 puncha sitwa killa mamakamachiypi kamachiykunapipash rikuchishkata katishpa yachashkawan mishanakuypi akllarkakuna. Kayshina paktarina ñawpaka, Mamallakta Tantanakuy kay llaktapi tawka kamakkuna acciones de protección kamachiy churashkamanta rimanakurka, kamay ushayta pushakkunami paykunapak llamkaywan pakta kashkata rikunapi wakinpika waktarishka kan nirkami, kayshina ruraykunaka wakin llaktaywan kayshun llamkaywasikunawanpash waktarishka shina rikurin nirkakunami.
Kay Seguridad Ciudadana y Ciencias Policiales Sumak yachanawasi wiñachinata Mamallakta Tantanakuy rimanakurka
Llakta kasiklla kawsanapi yachachinapak, kay yachaykuna llakta llamkaywasi pushakkuna, chikanyashka llakta pushakkuna shinallatak llaktapak shukllapak llamkaywasikunapi yanapashpa, ruraykunapipash rikukkuna, tukuylla kasiklla kawsayta charichunmi kay Ley de creación de la Universidad de Seguridad Ciudadana y Ciencias Policiales kamachiy rurana killkapi hatun yuyaykunaka, kay killkatami shukniki rimanakuypi Mamallakta Tantanakuyka riksirka. Kay kutinka pusak kamachi killkakkunami rimarirka, paykunaka llakta wiñarinapak, ruraykunata sinchiyachinapakka yachaymi ancha mutsurin nirkakunami, shinallatak wamrakunamanpash sumak yachana wasiman yaykuchun yanapana shinallatak sumak yachana wasipak kullki llamkaytapash sumaychanami kan nirkakunami.
Manukullki kamachiyta anchuchinapak mushukyachik kamachiyta shukniki rimanakuypi riksirkakuna
Mamallakta Tantanakuypi kay Ley para el Desarrollo Económico y Sostenibilidad Fiscal tras la Pandemia COVID-19 kamachiy killkata anchuchinapak kamachiyta shuk niki rimanakuypi riksirkakuna, kay kamachiyka 29 puncha sasi killa 2021 watami paktarimanan yaykurka. Kamu killkata riksichik, Jhon Vinueza kamachi killkakpak rikuypika, pusak killakuna kipami llakta wiñarinapi shinallatak llaktapak manukullkipipash imashina yanapashkata riksina mutsurin nirkakunami. Kay rimanakuypika 17 kamachi killkakkunami yuyashkata riksichirka, kay kamachiyka llaktapi wakchalla kawsakkunata, runa ayllukunatami ashtawanka wakllichishka rikurin, Impuesto a la Renta manu kullkita mirachishkamanta, nirkakunami.
Hampinapak yachaypakpash kullkimanta, paklla runakunapak llamkaykullkimanta, Seguridad Social llamkaywasi llakimantami Minkarishkakuna llamkarka
Kay Instituto Ecuatoriano de Seguridad Social (IESS) tantanakuy, BIESS tantanakuy pushakkunawanmi, Derecho al Trabajo Minkarishkapi Leyes para la Estabilidad de la Seguridad Social en Ecuador mushukyachinapak tawka kamachiykunata riksishpa sinchiyta llamkarkakuna.
Kay Soberanía Alimentaria Minkarishkapika Ley de Economía Familiar Campesina kamachiy rurana killkapak mushuk yuyaykunatami chaskirka. Chaypakka Ánderson Timbiano, Derecho yachakuk runa shinallatak Jorge Gómez, Confederación Intercultural de Pueblos y Nacionalidades del Ecuador tantakuymanta ayllutami chaskirkakun. Ashtawanka Ministro de Agricultura llamkaywasi pushakta shinallatak tarpuk tantanakuykunatapash chaskirkakuna.
Kay Código de Planificación y Finanzas Públicas para Asegurar Presupuestos Incrementales en Salud y Educación kamachiy mushukyachinapak llamkaywillayta ishkayniki rimanakuypak allichina ukupi, Régimen Económico Minkarishkakunaka Olga Núñez, subsecretaria de Presupuesto del Ministerio de Finanzas llamkaywasipi pushaktami chaskirkakuna.
Kay Consejo de Participación Ciudadana tantanakuymanta shinallatak Defensa Nacional, shinallatak Finanzas llamkaywasi pushakkunamanta minkarishkakunami Ley de Héroes y Heroínas Nacionales kamachiy killkata mushukyachinapak yuyaykunata Gobiernos Autónomos Minkarishkaman chayachirkakuna.
Kay Educación Minkarishkaman tawka tantanakuymanta ayllukunami chayamurka, paykunawanmi Ley de Educación Superior kamachiy mushukyachina killkamanta rimanakurkakuna. Kaykutinka técnica shinallatak Tecnológica, conservatoriso superiores yachaykunamantami yuyaypaktarirkakuna.
Ñawinchiyka Minkarishkakunapi punchantami paktarin
Kay Fiscalización y Control Político Minkarishkapika María del Carmen Maldonado, Fausto Murillo, Ruth Barreno, José Morillo ayllukunata, ñawpa pushak shinallatak Consejo de la Judicatura (CJ) tantanakuypi rimarik runakunatami llaktay ñawinchiypak mañashkapi huchachishkata riksichishkatapash chayachina pachakuna puchukarka. Shinallatak llamkaywasi ayllukunapak ayllukunata, Viviana Veloz kamachi killkak huchachik willashkatapashmi chaskirka.
Kay Transparencia y Participación Ciudadana Minkarishkapika, Petroecuador tantanakuyta ñawpa pushak, Italo Cedeño runapak warmi kay llamkaywasiman yaykuchinapak anchuchinapakpash mañaykunata churashka nishpa huchachishkatami riksiy kallarirkakuna. Shuktakpika, José Yunes, Llakta pushakpak secretario Administrativo killkakamayukta; shinallatak, Carlos Riofrío, contralor del Estado pushaktapash chaskirkakuna, paykunaka Llakta pushakta kunakkuna ad honorem paktaypi imashina katikushkatami willarkakuna.
Kay Régimen Económico Minkarishkapika Ministro de Energía y Minas llamkaywasi pushakta chaskirka, pay runawanmi ashnakkunata chanishpa yanapanamanta, riksichiykunata, kamachiykunamanta, kullki llamkaymantapash riksirkakuna. Llaktapak llamkaywasi killkakamayukka, Protroecuador llamkaywasi pushakwan, Biodiversidad Minkarishkaman chayamushpa Galápagos suyullaktapi ashnakkunata mashna chaninamanta willarkakuna.
Kay Protección Integral a Niñas, Niños y Adolescentes Minkarishkapika kay ayllukunata yallik raymi killa atirinakuypi wakllichishkamanta llamkaywillaypi imalla rikurishkatami riksishpa katirkakuna.
Warmita wakllichiymanta, shinallatak hampikuna illashkamantami Minkarishkakuna rimanakurka
Justicia y Estructura del Estado Minkarishkapi kay hunkaypika Ley para Prevenir y Erradicar la Violencia contra las Mujeres kamachiy paktarishkata taripashpa katirkakuna. Kay kutinka tantanakuykuna shinallatak llaktayukkuna willashkatami uyarkakuna, ashtawanka Azuay, Cañar, Loja marka pushakkuna willashkata chaskirka. Mamallaktapak kayshuk markakunapi shinallatak, wakllirishka ayllukunata yanapanapak kullki illashkami ashtawan alawniyka rikurin nirkakunami.
Kay Derecho a la Salud Minkarishkapi kimirishka kamachi killkakkunaka IESS tantanakuy pushakkunatami kay wasipi tantarishka, samakuk, kimirishka ayllukunatapash alli hampina yanapay illashka llakikunapi yanapanapak ruraykunawan paktakushkata willachun kayachirka. Kay Seguro de Salud tantanakuyta pushakta shinallatak kay tantanakuyta rikuk willashka kipami, Minkarishka ayllukunaka 10 punchakuna ukupi kay llankaywasita yanapak wasikunapak shutita, imashina kullkita mañanata, hampikuna imashina chayachinata, shinallatak mashna kullki chayachinatapash willayta chayachichun mañarka.
Kay Desarrollo Económico Minkarishkapika Ley del Servicio Público de Energía Eléctrica kamachiy mushukyachinapak llamkaywillaytami shukniki rimanakuypak arinirka, kay kamachiywanka Llaktakunapi Ruraykunapak LLamkaykullkita chayachinapakmi rikurankakuna.
PV/cg-k
