Mamallakta Tantanakuyt pushak, Virgilio Saquicela Espinoza kamachi killkakka, rikuy sumaychay shinami Llaktakuna makipurashpa yuyarinakuy killkanapi chayarka, kay yuyarinakushka killkawanka Celica, Zapotillo, Paquisha, Yanzatza, Nangaritza, Huaquillas kitikuna Loja, Zamora, El Oro markakunapi, Ecuador llakta ukupi, shinallatak marka kitikuna, Perú llaktapak chinchay suyumanta: Tumbes, Marcavelica, Talara, Lancones, Huancabamba, Máncora llaktakunami makipurashpa yanaparinakuna .
Kay yuyarinakushka killka, pichka watakunatami paktarinka, llamkaywasikuna makipurashpa llamkanapakmi yuyayka kan, mintalayta, llakta riksinata shinallatak kawsaytarpuytapash ishkantik llaktakunamanta yanaparinapak.
Shinallatak ishkantik llakta pushakkunamanta shuk killkata wiñachinapak mashkakun kaypi tarpuna hampikunata chayshinallatak riksinkapak ashtawanka 5 niki ñantapash kay llaktakunaman chayachun rikuchinapak: Puerto de Paita – Puerto Bolívar – Machala – Loja – Zamora – Sarameriza, kay yuyaykunaka Acuerdo de Paz yuyarishkapimi churashka tiyakun shinapash pakta riksishpa yachaykunami imashinalla paktarinata riksichinka.
Kay yuyarinakushka killkataka Celica, Zapotillo, Paquisha Nangaritza, Huaquillas kiti pushakkuna, Ecuador llaktamanta; shinallatak, Tumbes, Marcavelica, Lancones, Máncora, Talara marka pushakkuna kay Perú llaktamanta arinirkakuna.
PV/cg-k
