Mamallakta Tantanakuy kay awkarik 16 puncha karway killa kimsa rimanakuyta charinka, kashnami Mamallakta Tantanakuyta pushak, Virgilio Saquicela Espinoza, kayachishkapi rikurin. Llaktay chaparay paktanapak sukta yuyaykunami tiyakun shinallatak kamachiy ruranapak shuk killkatami ishkayniki rimanakuypak churashka.
Llamkay rimanakuyka 11h00 pacha tutamantami Pamela Aguirre kamachiy ruranapa mañashka killkata riksishpa kallarinka, kay killkawanka, Guillermo Lasso, Llakta pushaktami, punkara llamkaypi yuyarinakushka killkakunata shuktakman apanapak churashkata harkachichun wakichichunpash mañan.
Kipaka, 12H00 pachaka, Carola Ríos Michaud runata, Servicio Nacional de Aduana del Ecuador tantanakuy pushanapak imashina akllashkata riksinapak yuyarinakushka killkata rimanakunkakuna. Chaypakka, llamkaywasi tawka pushakkunatami ñawirichun kayachinka.
Kimsa rimanakuy llamkayka 14H30 pachapakmi, kaypika Ley de Equidad Tributaria kamachiy rurana killkatami shukniki rimanakuypi riksinkakuna. Régimen Económico Minkarishkapi tukuyta riksishka kipami kamachiywan, kamaywanpash mana paktarishka kashkamanta tukuy killkata wakichichun mañarka, Mamakamachiyka Llakta pushakllami manu kullkita wiñachik, mushukyachik, anchuchik kamachiyta rurachun chayachiy ushan ninmi shinallatak Llakta pushakka Mamallakta Tantanakuy allichishka killkata rikunata, mushukyachinata, mañanata nakashpaka anchuchinatapash manukullkimanta rikuy ushanka, ninmi.
Chay pachallatakmi, Ley de Pagos en Plazos Justos, Primero la MYPES kamachiy rurana killkata ishkayniki rimanakuypi riksinkakuna, kay kamachiyka uchilla, maltalla llamkaywasikunata ukllanapakmi kan shinallatak economía popular y solidaria tantanakuykunatapash yanapanapak, mintalay paktashkapi kullkita chayachina pachakunatami rikuranka, paktaykuna alliman chayachun, kullkita chayachinapash kamaypi rikuchishka kachunmi yanapanka.
Llamkaypi paktanapika, ashtawan Ministerio de Relaciones Exteriores y a la Secretaría de Educación Superior, Ciencia, Tecnología e Innovación tantanakuy pushakkunata, Ucrania llaktamanta tikramuk Ecuador ayllukunata runa hayñipi sumaychachun mañashkata yuyaypaktarinamanta.
Puchukaypika, Ministro de Transporte y Obras Públicas llamkaywasi pushak, shinallatak Gerente de la Reconstrucción de Manabí y Esmeraldas yanapay llamkay pushakpash ñawirichun kayachinkuna, paykunaka kay 2016 wata allpa chukchuypi llakitukushka ayllukunata yanapay imashinalla paktakushkata riksichichun, kay Ley de Solidaridad y de Corresponsabilidad Ciudadana para la Reconstrucción y Reactivación de las Zonas Afectadas por el Terremoto del 16 de Abril del 2016 kamachiy rikuchishkata paktachishpa.
PV/cg-k
