Kay Consejo de Administración Legislativa /CAL) wankuriy, Virgilio Saquicela Espinoza, pushakushka, pichka ari apushitaywanmi, Reglamento Operativo para la Implementación de la Consulta Prelegislativa uchilla kamachiyta arinirkakuna, Ley Orgánica de la Función Legislativa (LOFL) kamachiy rikuchishkata katishpami paktarirkakuna. Kay Uchilla kamachiywanka runa ayllu llaktakunapi, runa llaktakunapi, afroecuatoriano runa llaktakunapi, yunka llakta ayllukunapipash Mamakamachiypi riksishkata katishpa llaktay taripayta paktachinatami achikyachinka.
Mamallaktapak mamakamachiyka, 57 niki, 17 yupay killkapimi kayta rikuchin: Runa ayllu llaktakunapi, runa llaktakunapi, afroecuatoriano runa llaktakunapi, Mamakamachiy rikuchishkamanta shinallatak ista llaktawan runa hayllikunamanta yuyaypaktarinapak rikuchishkata katishpa shinallatak yunka llakta ayllukunapipash Mamakamachiypi riksishkata katishpa llaktay taripayta paktachinkapakka sapsi hayñikunata wakllichinalla rikurikpimi taripana paktarinka, nin.
Shinallatak, LOFL kamachiy 2020 watapi mushukuyachishkami, XI.I wankuri killkapi, llaktayukkuna Kamachirurana Ñawpaytaripay paktarinapakka rikuchin, kay 109.1 niki killkamanta 109.18 niki killkakama shinallatak, ashtawanka, kay puchukaypi churashkami kay kamachiypi rikuchishkata imashinalla paktanapak shinallatak kallarichinapak ruraykunata riksichin, kay Kamachirurana killkawanmi Ñawpaytaripay paktarinapak, Consejo de Administración Legislativa wankuri shuk uchilla kamachiyta allichichun mañan.
Tukuy paktarichunka,, CAL wankurika kay Participación Ciudadana, Asesoría Jurídica shinallatak Técnica Legislativa tantarikuna rikuchishkatami riksirkakuna, kay yuyaykunatami Uchilla Kamachiy ruranapak puchukay killkapi kimichirka.
EG/pv/cg-k
