Kay 92 ari apushitaywanmi, Mamallakta Tantanakuypi, Carola Ríos Michaud warmita, Servicio Nacional de Aduana del Ecuador (SENAE) tantanakuyta pushanapak imashina shutichiy paktashakta ñawinchiy kallarinapak yuyaypaktarirkakuna.
Salvador Maita kamachi killkak, mañay killkata chayachik, llakikunata chimpapuranapak yuyaywanmi ñawinchinapak killkata chayachin, kay SENAE tantanakuyta pushanapak mutushkata mana pakta charishkami rikurin, nirkami.
Kay yuyarinakushka killkapika, 8 punchakuna ukupimi Mamallakta Tantanakuypak kamachi killkakkuna rimanakuyman Fabián Pozo Neira runa, Llakta pushakpak Kamak killkakamayuk, Carola Ríos runata imashinalla shutichishkata willanaman chayamunka, nishpami rikuchin.
Shinallatak, General del Servicio Nacional de Aduana del Ecuador tantanakuyta pushakpash chayamunka, payman minkashka llamkaypi imashinalla paktarishkatami willanka, kay Código de la Producción, Comercio e Inversiones kamachiypak 215 niki killkapi rikuchishkamanta, kay llamkay pushayman yaykunapak mañashkata mana paktashkamanta.
Shuktak llamkay awlli kay Mamallakta Tantanakuyman kayachishkaka Servicio Nacional de Aduana tantanakuypi llamkakkunata pushakmi Carola Ríos warmita ima shutichik killkawan llamkaypi kallarishkata willanka.
Puchukaypika, Secretaria de Educación Superior, Ciencia, Tecnología e Innovación -SENESCYT, tantanakuyta pushak, imashinalla ista llaktapi yachashka iñik pankata ima pachapi riksirishkata nakashpaka Servicio Nacional de Aduanas tantanakuyta pushakpak kimsapata yachay iñik panka ista llaktapi llukshichishkata kay llaktapi riksirishkatami willanka.
SL/pv/cg-k
Ashtawan Shuyukuna:
