Mamallakta Tantanakuyta pushak, Virgilio Saquicela Espinoza, willachik antakunawan rimanakuypika, pichka llaktay wankuri pushakkunaman, Guillermo Lasso, llakta pushakman shinallatak, ministro de Gobierno llamkaywasi pushak, Francisco Jiménez runamanmi kayachiyta chayachishkanchik, kay rimanakuykunaka, awaki 22 puncha karway killa, 10H00 pacha tutamantami, Tránsito Amaguaña shuti wasi ukupimi kallarinka, kaypimi makipurashpa llamkayñanta allichishun, shinaka Ley de Inversiones kamachiy rurana killkata riksishpami llamkay kallarishun.
Saquicela nirka, kullkillamkaymanta yuyaykuna shinallatak llamkaykamayta mushukyachinapak Llakta pushak chayachishka shinallatak, "nishka mana nishkamanta" karuyashpa, Mamallakta Tantanakuy shinallatak Llakta pushakpak mutsushka mana kanchu ashtawanpash Ecuador llakta ayllukunapak mutsuymi kan. "Kaypika munaymantalla kayachishka mana kan, munaymanta manakashpaka mana tantarina, ashtawanpash kay Ley de inversión kamachiy shinallatak llamkay kamayka Llakta pushak mutsushkami, Mamallakta Tantanakuypash mutsun shinallatak Llaktapashmi mutsun", ninmi.
Llamkaypi kallarichiy mana paktaypash
Shuktakpika, ingeniero Raúl González runata, superintendente de Bancos pushay llamkaypi kallarichishkamantaka, kay 11 puncha karway killami, Mamallakta Tantanakuyka Mamakamachiypi, shinallatak kamachiykunapi churashkata paktachirka, shinaka kay shutichishka kamaywan pakta mana pakta kashkata rikuna mana usharirkachu. Mamallakta Tantanakuyta pushakka Mamallakta Tantanakuypi yuyarinakushka killkatami paktachirka chaymantami Superintendente pushakta llamkaypi kallarichirka, nirkami.
Mamallakta Tantanakuy Superintendente de Bancos tantanakuy pushakta llamkaypi kallarichishpa mana ushashkapi urmashka shina rikurishkamanta, kay ruraymanta aripi apushitakkuna llamkaymanta anchurinaman chayana shinamanta, Virgilio Saquicela kamachi killkakka kamachi killkakkunata shinallatak yuyay willachik ayllukunatapash kamachiyta killkakatinaman kayachirka. Yuyachishpa nirkami, Ley Orgánica de Garantías Jurisdiccionales y Control Constitucional kamachiypak 22 niki killkapika shuk mana paktarishka rurayka sentencias shinallatak acuerdos reparatorios kamaymanmi kimirina kan, shinaka medidas cautelares killkaka mana shuk sentencia kamay kanchu; kay kamayta paktana mana paktanamanta riksinapakka tawka kamaykuna willaykunapashmi tiyan, nirkami.
Mana paktashka rikurinapak tiyakpika, kaypika mana tiyanchu, kamak runami paktachik kamak wasikunaman willachina kan, Mamallakta Tantanakuyka kamaypi paktarina uku mana kanchu, shinaka, kayshina ñawinchiy mañayta chayachina mana usharinchu, nirkami.
Kay Consejo de la Judicatura pushakta kamay
Kay Llaktay ñawinchiy Consejo de la Judicatura (CJ) tantanakuyta ñawpa pushak, María del Carmen Maldonado warmita shinallatak Fausto Murillo, Ruth Barreno, José Morillo rimarik runakunata llamkaypi mana pakta kashka nishpa huchachishkamanta llaktay ñawinchiy kallarinapika, Mamallakta Tantanakuyta pushakka, Fiscalización y Control Político Minkarishka llamkaywillayta chayachinapak pachakunata mirachichun mañan, tukuy willayta chayachishka kipami, Mamallakta Tantanakuy riksichun chayachinka.
Kamachiy killkakunapak samana pachakunaka Consejo de la Judicatura pushakta ñawinchiy paktarishka kipami kallariy ushanka, nirkami.
EG/pv/cg-k
Ashtawan Shuyukuna:
