Allpapi tiyashka charinakunamana paktanata sumaychanapi shinallatak allpapi llamkak ayllukuna kikinpak, paykunapak wasi ayllukunapash mikunata unanchanapak llamkayta sumaychanapimi, Mamallakta Tantanakuypak hatun yuyayka churashka, kay yuyaykunatami Defensa y Desarrollo de la Economía Familiar Campesina kamachiy rurana killkapi kimichishka, kay kamachiy rurana killkami kunan puncha ishkayniki rimanakuyta yallirka.
Mamallakta Tantanakuy mañay chayachishkapika uchilla tarpukkuna yanapanapak llaktayta pushana yuyaymi churashka, kay tarpukkuna wasi ayllukunapak nishpa shutichishkami, paykunaka wasi ayllupura llamkaymi kan.
Xavier Santos kamachi killkak kay kamachiy rurana killkata chayachin shinallatak riksichikpash nirkami kay kamachiyka paklla wasi ayllukunataka tarpuk shinallatak murukuna wiñachikta shinalla mana rikukunchu, ashtawankash paykunapak kullkillamkayta allichishpa kawsaypi paktarinapakmi yanapanka nirkami. Shuk shuyukuyuchikta rikuchirka, kaypika paklla ayllukunami kamachiyta arinichun mañarka.
Kay Soberanía Alimentaria Minkarishkata pushak, Mariano Curicama kamachi killkak, kay kamachiy rurana killkawanka llakta ayllukunatapa yanapanapakmi mashkakun, paykunami tukuy llaktayukkuna mikunata charichun punchanta llamkan, shinapash achkakunami wakcha kawsakun, shinallatak yarikiwanpash kawsan, nirkakunami.
Nirkapashmi kay Kamachiy rurana killkawanka tukuy tarpushpa llamkak wasi ayllukuna mintalayta charichun, kullkita paktachun, shinallatak llakta yanapaytapash charichun, yachashpa katichun, willayman paktachunmi yanapanka, shinallatak ayllukunapura tantanakuypash sinchiyachunmi rikuranka, nirkapashmi.
Kamachi Killkakuna rimanakuypika kay Ecuador llakta paklla runakuna, tarpukkuna, wakra wiñachikkunapak llamkayta riksirirkakuna. Llakta wiñarinapak paykunapash llamkakushkata riksina pachakunami kan nirkami. Runa ayllukunapak wiñarinaka yachaypi, yachashpa katinapipash llamkana mutsurishkatapash riksirirkakuna, kayshina llamkaykakuna wasi ayllukupura llamkanapakmi yanapan, nirkami.
Shinallatak shuk Unidad de Registro Nacional de la Economía Familiar wankuriy wiñachina mutsurin nirkapashmi, kaypi wasi ayllupura tarpukkuna, runa llaktakuna, runa ayllu llaktakuna, kitikuna markayllukunapash kikinmanta, wankurishka, wasi ayllupurapash killkarichun, kayshina kay kamachiywan yanaparichun, nirkami.
15 kamachi killkakkuna rimarishka kipami, Mamallakta Tantanakuyta ishkayniki kipa pushak, Esteban Torres kay rimanakuyta harkachirka, kay kipa Soberanía Alimentaria Mikarishka tukuy rikuchishkakunata tantachichun shinalaltak puchukay killkapi kimichichunpash, kay kilkata 8 punchakuna ukupi tukuy kamachiy killkakuna rimanakuchun chayachinapak.
RSA/pv/cg-k
