103 ari apushitashkawanmi, Mamallakta Tantanakuyka kay Instituto Ecuatoriano de Seguridad Social (IESS) Tantanakuy imashina paktarishkushkta riksinapak asha pachallatak shuk Minkarishkata wiñachirka, kaypika kimirishka llamkakuk ayllukuna, samakuk ayllukunapash hampinapí mana pakta yanapayta chaskikun, kashnami José Abad kamachi killkata, kay yuyarinakunapak killkata chayachik nirka.
Ashalla pachapak minkarishka shuk watata llamkanka, shinami Orgánica de la Función Legislativa kamachiypak 24 niki killka rikuchin, kay pachakunapimi Seguridad Social tantanakuy imashinalla paktakushkata, imalla wakichishkata, mashna kullki yaykushka llukshikushkata, wasikuna charishkata, shuktakkunatapash riksinkakuna; shinallatak, hampinapi pakta alli yanapayta chayachinapak kutichinatapash mashkakunakuna.
Abad kamachi killkak, IESS tantanakuy kay wasita wiñachik ayllukunata hampinapak kullkita mana charishka uma yuyaypi mana paktarinchu nirka.
Mashna charishkamanta yupaykuna shinallatak willaykuna mana pakta iñik tiyanchu, Abad kamachi killkak kashnami nirka, kay BIESS kullkiwasi ñawpa pushak, Vinicio Troncoso, runaka kay 2020 watakama kay tantanakuy charishka 48.000 hunu dólar kullkiman chayak yallin shinallatak paypaktak kashka charinaka 20.341 dólar kullkiman chayan shinapash kaypika 7.845 hunu kullkika mañashkami kan, nirkami.
JLVN/pv/cg-k
Ashtawan Shuyukuna: