Mamallakta Tantanakuy 122 ari apushitaywan kay Organización Territorial, Autonomía y Descentralización (COOTAD) kamachiy rurana killkata arinirkakuna, kaypika chusku yuyaytami markakunapi llamkaykullkitaka runa llaktakunapi mashka kilómetros tupu ñan rurana tiyashkata rikushpami rakinka, nin.
Kay kamachiy mushukyachina killkawanka mamakamachiy mushukyachinapak 272 niki killka arinishkatami paktachin, kaypika GAD markakunapak llamkaykullkitaka mashna ñankuna rurana charishkata katishpa rakinka.
Kay mañaypika, ashtawanka, Consejo Nacional de Competencias tantanakuy 90 punchakuna ukupi, llaktapak llamkayta allichik tantanakuywan makipurashpa shinallatak llaktapak kullkita chayachik tantanakuywanapash yuyaypaktarishpa, mamakamachiypi rikuchishkata paktachichinka, shinallatak marka pushakkunaman kullkitapash chayachinka.
Lenin Barreto, kamachiy killkata riksichik, kay mushukyachiyka Llaktapak watan llamkana kullkita mana mushukyachinchu nirka, ashtawanka rakinapak mushuk yuyaytallami kimichin nirkapashmi. Kay ñankunata rurana yuyayta kimichishkawanka GAD tantanakuykuna llamkayyuyay allichinamana shinallatak llaktakunapi ñankunata ruranamanmi kayachin, kayshina llaktapura chayanakushpa pakta llamkayta charichunkuna.
Kay rimanakuypika sukta kamachi killkakkunami rimarirka paykunaka Gobiernos Autónomos Minkarishkapimi llamkankuna, shinallatak llaktakunapi pakta pakta yanapay chayachun, llaktakuna allin allin wiñarichunmi yanapan, nirkapashmi.
BG/pv/cg-k
Ashtawan shuyukuna: