Kay "jocha" kamariy chayachishkawanmi Mama Negra raymi kallarin. Kay kichwa shimika tantanakuykuna, kay hatun pushak, ayllukuna, llamkaywasikunapash raymi ñawpapi kanapak shinallatak pakta pakta raymipi kanapa kayachishkami.
María Cristina Moreno warmi, Latacunga kitita kipapushak, Mama Negra 2022, kuyllurpa willki, Rey Moro shinallatak Wipalashka runatapash pusashkami kay awaki puncha Mamallakta Tantanakuyman kay sasi killa raymiman pushak Virgilio Saquicela kamachi killkakta raymipak achiktayta chayachun kayachinaman shamurkakuna.
"Latacunga runapakka kay wiñaymanta riksishka raypimi ñawpak runa kanapak akllayka may sumaychami kan, kay wiñaykawsaypi riksishka raymiman chayachunmi kayachinaman shamunchik", kashnami Jorge Peñaherrera runa, Mama Negra shina akl
Latacunga llaktaman minkarishka ayllukunaka Mamallakta Tantanakuy pushakmanmi, wiñayta riksishka yuyayta katishpa, ruana, muchiku, mishkimuruwan lushun shinallatak Mama Negra runapak unancha, shinami achik tayta shutirishkata arinichirkakuna.
Virgilio Saquicela, Mamallakta Tantanakuyta pushak, kayachishkata yupaycharka shinallatak Latacunga llaktayukkuna kay pandemia unkuy kipa wiñaykawsayta kutin yuyarishkamanta samincharka. "Kaymi tawkapura kawsak Ecuador llakta kan, wiñaykawsayta yuyarik, Mama Negra raymika, ñukanchik kikin kawsaytami riksichin", nirkami.
FF/pv/cg-k
Ashtawan Shuyukuna:
