Mamallakta Tantanakuypi, 113 ari apushitaywanmi, kay Orgánica para la Defensa y Desarrollo de la Economía Familiar Campesina kamachiy rurana killkata arinirkakuna, kay kamachiyka kayshina llamkaypi kimirishka ayllukunata yanapanatami mashkakun, sinchiyachinapak shinallatak makipurashpa paktarinapakpash, shinami Ecuador llaktapi mikuna unanchata paktanapak.
Xavier Santos kamachi killkak, kay kamiku killkata riksichik chayachishka yuyaypak hawapimi, Kamachi killkakkunaka kay kamachiy rurana killkata arinirkakuna, shuktak yuyaykunapipash, kawtapura kawsay tiyashkata, shinallatak tawka murukunata tarpushkawan, tukuyshina murukuna wiñachinapimi yanapanka, nirkami.
Shinallatak tukuy llaktapi wasi ayllupak, paklla runakunapak tarpushpa kawsayta yanapanapak llaktay tiyanata yanapan; economía popular y solidaria llamkayman kayachina shinallatak sumaychanapakpash, muyukunata, charinata shinallatak yanapaytapash chimpanchishpa paktarinata yanapanka.
Shinallatak kay kamachiywanka sapsillaktakuna, runallaktapi llamkakunapash tarpunata shukyachishpa sinchiyta wiñarichun, paklla ayllukunapak tarpunatapash tawkanyachishpa yanapachunmi rikunka; allpata, yakuta, tarpuy llamkanapak tukuy mutsurishkata paktanatapash sumaychanka; muyukunaman, tarpunapak hillaykunaman shinallatak tarpunapak tukuy mutsurishkamanpash paktanata yanapanka; shinallatak runa llaktakunapi kawsak ayllukunata kikin allapa charinapak, shinallatak llaktapi pakta kawsay paktanapakpash yanapanka, ashtawanka paklla wamrarak ayllukuna kikin llaktapi sakirishpa kawsachunkuna, kayshina kikin llakta kawsayta charishpa katichun, kawsaypak mutsushkatapash paktachun, shinallakta kitikunapi tiyashkawanpash chimpapurashpa kawsayta charichunkuna yanapanka.
Kay kamachiyka wasi ayllu tarpukkuna, sapsi llaktakuna, runa llaktakuna shinallatak kawsaymarkakunapash ruraykunata, tarpuykunata, chalwa tarpuyta, yurakuna tarpuyta, yakupi tarpuytapashmi yanapanka. Wasi ayllukuna tarpuy nishpaka runa llaktakunapi wasi ayllukuna makipurashpa llamkaytami riksinkuna kayshina mikunata charinapak, kayshina llamkaymi kikin kawsayta, kikin mikunata, wasipi kawsanata shinallatak tarpuykuna paktarinatapash riksirin. Mamallaktaka tarpuy llamkay paktarina wallpatami, shinallatak shuklla muru tarpunata mushukyaytami rikurinka.
Kay kamachiyka wasi ayllupak kullkillamkay kallari yuyaytami churan: kikinamanta paktarina; allpa, tukuypak kashakta ukllay; makipurashka llamkay; kikinmanta tantarishpa chikankashpa llamkay; mikuna unancha, tarpuna muyukuna, mushukantakunapash; llakta yanapay; shinallatak pakta yachay shinallatak mutsurikman chayachiypash.
Kay rurarina kamachiyka shamuk llamkay punchakunami Llakta pushakman chayachishka kan, paymi rikushka arininka manakashpaka allichinaman kutin kachanka.
EG/pv/cg-k
Ashtawan Shuyukuna:
