Wamrakuna chikan chikan kashkata riksina shinallatak kamaypi pakta kachun mashkana yuyaywan, paykunapak kikin hayñiman paktarinapak shinallatak kimirinkapakpash ashtawanka paykuna paktachinata shinallatak mañanatapash sumaychankapak, kaytami Ley de Juventudes kamachiyka mashkakun, kay awkarin punchami Mamallakta Tantanakuypi tukuy kamachiy killkakuna arinirkakuna shinallatak Llakta pushakman chayachinkakuna, shamuk pachakuna ukupi, kaypi arinichun manakashpaka allichinaman kachachunpash.
Kay kamachiywanka, 18 watamanta 29 watayuk ayllukunaka wamrarak rishkakunaka tukuy llaktayukmanta 25% patsakmi kankuna, shinaka kay kamachiywanka llaktayukpura tantanakunapak shinallatak chaypikanapakmi sumaychan; kikin kawsaypi, yachaypi shinallatak kikin llamkay charinapipash; kullkillamkayman kimirinapakpash yanapanka.
Shinallatak yachaypi ruranaman yaykushkatapash llamkaypi paktarishka pachakunata shina riksin; Llaktapak shukllapak shuk llamkaywasipi tukuy llamkakkunamanta 10% paktasakunami wamrakuna kachunmi mañanka; yachanapak 3 pachakunata charinapak; wawakunapash shuk Centro de Desarrollo Infantil yachana wasiman yaykunata yanapan, kayshina yachashpa katinapak.
Kashnami Sofía Sánchez kamachi killkak nirka, payka Garantías Constitucionales Minkarishkapi llamkakmi, ishkayniki rimanakuypak llamkaywillayta killkarka, kay kamachiyta sinchiyachinapak ruraykunata mashkakunchik kayshina tukuy wamrakuna kayman kimirichun nirkami, kayshina llaktayukman shinallatak llamkayman pakta yaykuchunkuna, nirkapashmi.
Ronny Aleaga kamachi killkak, kay kamachiy ruranata mañak, kay kamachiypak hatun yuyaykuna kaykunami nirka: hampina, mushuk antakuna, llamkay, pukllay, makiruray, kawsaytarpuy, pachamama, chaypikay, pushaypash; shinallatak kay kamachiy ruranapika 17.000 yalli wamrakunami makipurarkakuna.
Llaktayukkuna rimanakuypika Caleb Sánchez, Colectivo “Yo Joven” tantanakuyta pushak; Juan Martín Morales, Fundación Unión Estudiantil tantanakuyta pushak; Luis Cupichamba, kay Provincial de Manifiesto Juvenil Carchi wankuriymanta; Evelyn Yucallila, Consejos Consultivos Nacionales tantanakuyta pushak; Nery Padilla, Adrián Durán, pushak shinallatak killkakamayuk kay FEUE, Minkashkamanta; Patricia Calderón, kay Juventud de la Conaie wankurimanta shinallatak Washington Quinchuela, Juventudes del Ministerio de Inclusión Económica y Social Tantanakuymanta runakunami rimarirka.
Kutinpashmi ninchik paykunaka 20.30% patsakkunami tukuy llaktayukkunamanta, llaktapi kikin runakay, wiñaykawsay, kullkillamkayta charikkuna, llaktapak tukuy kuskakunapi kawsakkuna; Sinchita llamkakkuna shinallatak mushukyanapak yanapakkuna, llaktayuk kawsaypi llaktaypipash mushuk yuyaykunawan mushukyachik. kay kamachiyka paykuna llaktapi pushanapak akllarinaman yaykunapak Llaktata riksirin, shinallatak llaktay ruraykunatapash pakta pakta kachun kayachin shinallatak wiñaypak llankay wiñachinamanpash kayachin.
Shuk wallpay kamachiy
Kay rimanakuypi 20 kamachi killkakunami yuyashkata riksichirkakuna, paykunaka nirkami wallpak kamachiyka wamkrakunapak mutsushkatami riksirin nirkami. Shinallatak uma hampinata, pakta alli kawsay charinapak ruraykunata, llamkaykunata kallarinaman kayachirka, ashtawankarin wakcha ayllukuna llaki kawsakukta yanapanapak: ashtawanka, llamkashkata riksishka kanapi ruraykunata charinapak; shinallatak, yachanapak mañashkata kullkimanta wanachiy kallarishkakunapash harkarishpa sakirichun rikuchin.
Shinallatak willachinapak antanikichikman kimirinapak sumaychana, yachanapak kullki mañachinapi 1% wawa kullkiwan paktanapak shinallatak llamkaywilachinapakpash mañanapak, shuktak mañaykunapakpash yanapanka, nin.
RSA/pv/cg-k
Ashtawan shukukuna:
