Mamallakta Tantanakuy hatun rimanakuypi 101 ari apushitaywan, kay Ley de Personal y Disciplina de las Fuerzas Armadas kamachiy rurana killkata arinin, kay kamachiyka awkakuna yachaypi paktarinata, yachakkuna akllanta shinallatak awka llamkakuna yachay paktanata, yachaypi amawtanata, shinallata awka llamkaypi wiñayta llamkay charinatapash yanapanka.
Ramiro Narváez kamachi killkak, kay kamachiyta riksichik shinallatak Seguridad Integral, Minkarishkata pushak, kay kamachiyka llaktapi hatun llakikunata chimpapuranapakmi yanapanka, ninmi. "kay kamachiyka Fuerzas Armadas tantanakuypi llamkanaman yaykukkuna kasiklla kawsayta sumaychanka shinallatak Ecuador llakta ayllukunatapash ukllashpa paykunapak llamkaypi yanapanka", nirkami.
Kamachiy rurana killka
Ka kamachiyka 265 niki killkatami charin shinallatak 1991 watapi rurashka kamachiypak rantimi sakirin. Shuktak uchilla kamachiykunapi tiyakuk kamachiytami shukllapi tantachin.
Kay niki killkakunaka Fuerzas Armadas tantanakuyman yaykunapak imalla mutsurishkatami achikyachin, llamkay patapi yallinapak chanikunata mishashpa paktantapash sumaychan kayshina Llamkaywasipi hatun paktayman chayanapak nin. Shinallak Fuerzas Armadas llamkay wasiman yaykunapak, llamkaypi wichiyanapakpash imalla mutsushkata paktachinatapash kimichin.
Ashtawanka, pakta pakta kanata, mana chinkayachinata, kari warmipash chaypikanatami kallaripi churan. Hatun llakimi nishpa misoginia wakllichiyta riksin, chapak yachayman wawa charinapak llukshishka kakpi tikranata sumaychan, ishkay watapakmi rikuchin shinallatak warmikuna kashpa ñawinchiy kamay paktanatapash kimichin.
BG/pv/cg-k
