Sukta pachakunata rimanakushpa, Mamallakta Tantanakuy, Virgilio Saquicela Espinoza pushakuywan, 120 ari apushitaywan, wankurishpa llakichiyta shinallatak kawsayta ancha wakllichiy rikurishkatapash shitarirka kay llakikunataka llaktapak llamkaywasimi rikuna kan shinallatak Ecuador llakta ayllukunapash llaktawan makanakuymi nishpa riksina, kay llakikunaka llaktapak kikin kawsayta, llaktapak hayñikunata shinallatak llaktayuk chaypikanatami wakllichikun, chaymantami Llaktapak llamkaywasikunami kayshina wankurishpa llakichiytaka chimpapurana kan.
Chayllapitak, tukuy Ecuador llakta ayllukunawanmi nanarirka; ashtawanka, chapak kari warmi ayllukuna, chapashpa llamkak wasikuna kay Ecuador llaktapi llakikunawan wakllirishkawan nanarirkakuna, kay llakikunami Ecuador llakta ayllukunapak kawsayta hayñitapash wakllichikun,
Chashnallatak, wichkashpa kawsana wasikuna ukupi llakikunata kutinpash chapay paktashpa shamushkaman kimirinkuna, kay wichkana wasimantami Ecuador llakta ayllukunata llakichishpa shamushkakuna, unpuyashkata, llamkay ñan illashkata, llamkay killki shinallatak pakta llamkaypash mana tiyashkamanta kayshina llaktapi llakikuanta chimpapuranapak.
Yuyarinakushka killkata, Ramiro Narváez kamachi killkak, Seguridad Integral Minkarishkata pushak chayachishka, 17 niki killkatami charin. Niki shuk killkapika, kay Policia Nacional, Fuerzas Armadas sinallatak Cuerpo de Seguridad y Vigilancia Penitenciaria tantanakuykunata llakta pushak yanapayta chayachunmi kutin arinin, kay yanapayka ushayta sinchita paktachishpa, kawsayta, tukuykanata, charinakunata shinallatak llaktayukkunapak kikin hayñikunata sumaychanapak kutinpash arinirkakuna; ashtawanka, Llakta pushaktami kay llamkayta utkashpa, pakta pakta shinallatak chaypachallatak chayachinapak llamkaykullkita chayachichun mañankuna
Chashnallatak, Llakta pushakta shinallatak Kamay tantanakuytapash, Llaktapak Llamkaywasikuna kikin paktarinata rikurashpa shinallatak paykuna ushayta chaparashpa, kay puchukay punchakunapi llakikunata rikurishkata pakta taripayta mashkaytapash kallarichun kayachin. Shinallatak, 10 punchakuna ukupi Mamallakta Tantanakuyta pushak kayachishka llamkanawasikuna Seguridad Minkarishkaman chayamushpa kay Orgánica que Regula Varios Cuerpos Legales para el Fortalecimiento Institucional y la Seguridad Integral en trámite en la Comisión de Soberanía, Integración y Seguridad Integral kamachiykunata mushukyachinapak mutsushkata riksichichunmi kayachin.
Llakta pakta yanapanapakka Llaktapak Llamkaywasikunatami makipurashpa Akllanapak shinallatak Llamkaywasita sinchiyachinapakpash Policía Nacional, Fuerzas Armadas, Cuerpo de Seguridad y Vigilancia Penitenciaria shinallatak Función Judicial tantanakuykunapi paktarinapak, kay Seguridad Integral Minkarishkapi yuyarinakushka killkata arinirka kayachirkapash.
Shuktak mañaykunapika, Mamallakta Tantanakuyka Llakta pushak kay shamuk 2023 watapak llamkaykullki rikuchik pankapi kasilla kawsanapak, kamaypakpash kullkita ashayachina munayta shitarirkakuna ashtawanpash kayshina yanapanay paktanapak kullkita mirachina nirkami, kay 2022 watapak llamkaykullki rikuchik pankawan chimpapurashpa shinallatak 15 punchakuna ukupi kay yuyarinakushka killkata arinishka kipa, Llakta pushakka kay llaktapi kasiklla kawsanata, kamaytapash rikuk llamkaywasikunaman mashna kullki chayanata rikuchichun mañan, kayshina llakikunata pakta chimpapuranapak, ninkunami.
Puchukaypika, Secretario de Seguridad Pública y del Estado, Ministro de Gobierno, Ministro del Interior, Comandante General de Policía, Directora (e) del ECU911 shinallatak markapi llakta kamak pushakkuna kayakpi mana shamushkamanta shitarirkakuna, llakta pushakmanta mana pakta llamkaymi kaypi rikurin; shinallatak, llaktapak llamkaywasi pushakkuna, markakamakkuna Mamallakta Tantanakuyman Minkarishkakunamanpash ñawirinami kan shinallatak mañashka willaykunatapash chayachina, kashnami Mamakamachiy shinallatak Ley Orgánica de la Función Legislativa kamachiytapash rikuchin, mana paktarikpika, llaktapushakkuna, llaktapak killkakamayukkuna llaktay ñawinchiyman kayachishkami kankakuna.
Rimanakuy paktarikuypika, 52 kamachi killkakunami rimarirkakuna, kay llaktapi llakikunata chimpapuranapak pakta llamkayta chayachinata munaytami riksichirkakuna, Ecuador llaktayukkuna alli kawsayta paktachun kuyuchinapak, wichkashka ayllukunapash alliyashpak llaktaman tikrachunkuna, ashtawanka, wichkana wasikunapi yallitak kawsakukta ashayachinapakpash.
Cashnallatak, tawka kamachi killkakunami llakta pushakta kay llaktapi llakita, tantanakushpa llakichiyta chimpapuranapak mana pakta llaktay charishkata rimarirkakuna, kay shamuk wata 2023 Policía Nacional tantanakuypak llamkaykullkitapash sukta hunu dólar kullkitami ashayachin nirkakunami.
EG/pv/cg-k
