Mamallakta Tantanakuy, Virgilio Saquicela Espinoza pushakukwan, kay 10 puncha sasi killami, Pukllapi riksirishkamanta “Vicente Rocafuerte” unanchata Club de Alto Rendimiento Especializado Independiente del Valle tantanakuypak wipakapi churarka, kayshina riksiriytaka kay 2022 wata Copa Ecuador shinallatak Copa Sudamericana rumpawan pukllaypi mishashkamanta, pushakkuna, yachachikkuna, pukllakunapash sinchita llamkashpa paktashkamanta.
Kayshina riksirishkataka, Independiente del Valle pukllakkunaman shuk yuyarinakushka killkata chayachirka, kaypika Mamallakta Tantanakuyta pushakka lub de Alto Rendimiento Especializado Independiente del Valle tantanakuyta samincharka, paykunaka Rumiñahui kiti, Pichincha markamantami, shinallatak kay Copa Sudamericana 2022 shinallatak Copa Ecuador 2022 pukllaypi pakta pakta yachaywan mishashkamanta.
Virgilio Saquicela runaka Independiente del Valle tantanakuy pushakkunata, yachachikkunata, pukllakkunatapash samincharka. Sinchita llamkashkamanta riksiriskami shinallatak kay llaktapak mishashka copa unanchata shinallatak islallaktapi pukllashpa mishashkamantapash, nirka.
Shuktakmantaka, Shukniki Kipapushak, Marcela Holguín, kay Club Independiente del Valle tantanakuyka kay suyullaktapi hatunmi kan, llaktayuk pakta kawsaymi, makipurashpa llamkashpa ñawpakman llukshinata riksichikmi, nirka.
Chaykamaka, pukllakkuna, yachachikkuna, pushakkuna, Junior Sornoza; Martin Anselmi; shinallatak Franklin Tello runakunami rimarirka, paykunaka Mamallakta Tantanakuy unanchashkata yupaycharka. "Ecuador llakta yanapashkata chaskishkanchik shinallatak llaktapak kay mishaykuna paktashka sumakchimi kan", nirkami.
Franklin Tello runaka Mamallakta Tantanakuyta pukllak tantanakuy istallaktapi ñawpa mana riksishka shina Copa Sudamericana, shinallatak Copa Ecuador, miishashkamanta riksirishkata yupaycharka, shinallatak kay wataka Dragonas pukllakkunapash achka mishayta llaktapak ishkayniki mishayta wamrarak pukllaypi paktashkakuna nirka. ""Kayshina paktakunaka makipurashpa llamkashkawan paktay ushanchik" nirka.
EG/pv/cg-k
Ashtawan Shuyukuna:
